اقوام متحدہ کی جانب سے پیس کیپنگ ڈے کے موقع پر پاکستانی سپاہی کی خدمات کا اعتراف کیا گیا ہے۔
آئی ایس پی آر کے مطابق اقوام متحدہ میں پیس کیپنگ ڈے کے موقع پر پاکستانی سپاہی عامر اسلم کی خدمات کا اعتراف کیا گیا ہے جس کے بعد سپاہی عامراسلم کو بعد از مرگ اعلیٰ ترین اعزاز دیاجائے گا۔
میجر جنرل بابر افتخار کا کہنا ہے کہ اقوام متحدہ کی جانب سے عامراسلم کو ورچوئل تقریب میں ڈیگ ہیمرز گولڈمیڈل سے نوازا جائے گا۔
یاد رہے کہ اقوام متحدہ کے ہیڈ کوارٹر میں کچھ دیر بعد تقریب ہوگی۔
ڈی جی آئی ایس پی آر کا کہنا تھا کہ سپاہی عامراسلم کاتعلق آزادکشمیرکےعلاقےکوٹلی سے تھا اور سپاہی عامر اسلم کانگو کے امن مشن میں تعینات تھے۔
Advertisement
Advertisement
Advertisement
خیال رہے کہ پاکستان سمیت دنیا بھر میں امن دستوں کا دن آج منایا جارہا ہے۔
اقوام متحدہ کے امن دستوں کے دن پر آرمی چیف نے کہا کہ پاکستان اپنے بہادر امن دستوں کی قربانی کا جذبہ یاد کرتا ہے، پاکستانی امن دستے دنیا میں بے امنی کے شکار علاقوں میں انسانیت کی خدمت جاری رکھے ہوئے ہیں۔
واضح رہے کہ اس وقت پاک فوج کے 7500 جوان اور افسران امن مشنز میں خدمات انجام دے رہے ہیں۔
پاکستان امن آپریشنز میں خواتین دستوں کو تعینات کرنے والا واحد ملک ہے،پاکستانی خواتین کے دستوں نے امن اور انسانیت کی خدمت کےلیے مثالی کردار ادا کیا۔
پاکستان نے 30 ستمبر 1947 کو اقوام متحدہ میں شمولیت اختیار کی اور امن مشن کے لیے پاکستان کی معاونت کا آغاز 1960 میں ہوا۔
Advertisement
پاکستان60سال میں 26 ملکوں میں 46 امن مشنز میں حصہ لے چکا ہے۔
دوسری جانب ترجمان دفتر خارجہ کا کہنا تھا کہ اقوام متحدہ کے ساتھ امن، استحکام اور تعاون کے لیے بلیو ہیلمٹ کے ذریعہ کام جاری رکھنے کے اپنے پختہ عزم کا اعادہ کرتے ہیں پاکستان کو چھ دہائیوں پر محیط اقوام متحدہ کے قیام امن میں دیرینہ شراکت پر فخر ہے۔
Advertisement
Advertisement
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News
Advertisement
