ترجمان دفتر خارجہ کا کہنا تھا کہ اقوام متحدہ کے ساتھ امن، استحکام اور تعاون کے لیے بلیو ہیلمٹ کے ذریعہ کام جاری رکھنے کے اپنے پختہ عزم کا اعادہ کرتے ہیں پاکستان کو چھ دہائیوں پر محیط اقوام متحدہ کے قیام امن میں دیرینہ شراکت پر فخر ہے۔

اقوام متحدہ کے پیس کیپرز کے عالمی دن کے موقع پر دفتر خارجہ کی ترجمان عائشہ فاروقی نے کہا ہے کہ پاکستان کو چھ دہائیوں پر محیط اقوام متحدہ کے قیام امن میں دیرینہ شراکت پر فخر ہے،1960 سے لے کر اب تک ہمارے 2 لاکھ سے زائد امن کاروں نے دنیا کے تقریبا تمام براعظموں میں خدمات انجام دیں ہمارے بہادر امن پسندوں میں سے 157 نے بین الاقوامی امن و سلامتی کے مقصد کے لئے قربانیاں دی ہیں پاکستانی اہلکاروں نے 26 ممالک میں اقوام متحدہ کے 46 مشنوں میں عزت اور وقار کے ساتھ خدمات انجام دیں ہیں

اقوام متحدہ میں پاکستانی سپاہی کی خدمات کا اعتراف

اقوام متحدہ کے امن کاروں کے عالمی دن کے. موقع پر ترجمان دفتر خارجہ عائشہ فاروقی نے کہا ہے کہ اقوام متحدہ میں تعینات پاکستانی اہلکار عالمی امن کے لئے عزم کا اظہار کرتے ہیں پاکستان نے اقوام متحدہ کے امن کاروں کا عالمی دن منانے میں عالمی برادری میں شمولیت اختیار کی ہم پوری دنیا کے امن کاروں کی خدمات اور قربانیوں کو سلام پیش کرتے ہیں۔

عائشہ فاروقی نے واضح کیا کہ پاکستان نے خواتین امن فوجیوں کی تعیناتی میں بھی ریکارڈ قائم کیا ہے ہماری لیڈی پولیس افسر شہزادی گلفام 2011 میں بین الاقوامی خواتین پولیس پیس کیپر ایوارڈ لینے والی پہلی خاتون ہیں اس دن دنیا میں امن ، سلامتی اور استحکام کو برقرار رکھنے کا ایک مضبوط میکانزم کے عزم کا اعادہ کرتے ہیں۔