پاکستان نے عالمی برادری سے بھارتی اقدامات پر نوٹس لینے کا مطالبہ کردیا ۔
تفصیلات کے مطابق دفتر خارجہ کی ہفتہ وار بریفنگ میں ترجمان دفتر خارجہ عائشہ فاروقی نے بھارتی اقدامات پر نوٹس لینے کا مطالبہ کرتے ہوئے کہا کہ بھارتی حکام نے دو پاکستانی ہائی کمیشن کے اراکین کو اٹھا لیا تھا۔
ترجمان دفتر خارجہ نے کہا کہ پاکستان ہائی کمیشن کی مداخلت پر انہیں رہا کیا گیا، دونوں اہلکاروں کو تشدد کا نشانہ بنانے مذمت کرتے ہیں ۔
عائشہ فاروقی نے اپنے بیان میں کہا کہ پاکستانی اہلکاروں کو بے بنیاد الزام قبول کرنے پر مجبور کیا گیا، یہ ویانا کنونشن کی خلاف وری ہے۔
ترجمان دفتر خارجہ عائشہ فاروقی نے مزید کہا کہ پاکستانی ہائی کمیشن سفارتی آداب کے مطابق کام کرتا ہے جبکہ بھارتی عمل کا مقصد پاکستانی ہائی کمیشن کی کارکردگی کو متاثر کرنا ہے لیکن بھارت ایسے اقدامات سے مقبوضہ کشمیر میں انسانی حقوق کی خلاف ورزیوں سے توجہ نہیں ہٹا سکتا۔
پاکستان مقبوضہ کشمیر میں بھارتی اقدامات کی مزمت کرتا ہے، ترجمان دفتر خارجہ
واضح رہے اس سے قبل ترجمان دفتر خارجہ ڈاکٹر عائشہ فاروقی نے کہا تھا کہ پاکستان مقبوضہ کشمیر میں بھارت کی جنب سے ڈومیسائل کے اجراء کے قانون کو مسترد کرتا ہے۔
انہوں نے کہا تھا کہ مقبوضہ کشمیر میں ڈومیسائل کا اجراء و دیگر اقدامات کی مذمت کرتے ہیں اور بتایا ہے کہ بھارتی قابض فوج مقبوضہ کشمیر میں جعلی مقابلوں میں کشمیریوں کو نشانہ بنا رہی ہے۔
ترجمان دفتر خارجہ عائشہ فاروقی نے مزید کہا تھا کہ مقبوضہ کشمیر میں بھارتی قابض افوج کی جانب سے انسانی حقوق کی خلاف ورزیوں کی مذمت کرتے ہیں۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News