کورونا وائرس کا پھیلاؤ روکنے کے لئے ضلع انتظامیہ کی جانب سے ضلع گلگت میں داخلے پر مکمل پابندی عائد کردی گئی ہے۔
اس سے متعلق نوید احمد ڈپٹی کمشنر گلگت نے کہا ہے کہ ضلع گلگت میں داخلے پر پابندی کی صورت میں دیگر اضلاع سے کسی کو بھی ضلع گلگت میں داخلے کی اجازت نہیں ہوگی اس لئے عوام غیر ضروری سفر سے اجتناب کریں کیونکہ گلگت شہر میں کورونا وبا تیزی سے پھیلی ہوئی ہے۔
ڈپٹی کمشنر نے مزید کہا کہ محکمہ صحت کی جانب سے جاری کردہ ایس او پیز پر عمل درآمد یقینی بنایا جائے اور کسی بھی ایمرجنسی کی صورت میں ڈپٹی کمشنر آفس سے پاس حاصل کریں۔
یاد رہے کہ ملک میں کورونا وائرس نے ایک روز میں ریکارڈ تعداد میں زندگیوں کو لقمہ اجل بنادیا ہے، کورونا کے ہاتھوں 76 افراد کی جانیں چلی گئیں، ملک میں جاں بحق افراد کی مجموعی تعداد 13 سو 61 تک پہنچ گئی ہے۔
ایک روز میں دو ہزار 55 مزید افراد بھی کورونا سے متاثرہوگئے، متاثرہ افراد کٍی مجموعی تعداد 65 ہزار63 ہوگئی ہے۔
Advertisement
آج 16 سو 29 مریضوں نے کورونا کو شکست بھی دے دی ہے، 76 افراد کورونا کے ہاتھوں اللہ کو پیارے ہوگئے، ملک میں کورونا سے جاں بحق افراد کی مجموعی تعداد 1361 تک پہنچ گئی ہے۔
Advertisement
Advertisement
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News
Advertisement
