حکومت نے کاروبار کھولنے کے اوقات میں مزید توسیع کردی ہے۔

تفصیلات کے مطابق مشیر اطلاعات اجمل وزیر نے  اپنے ایک بیان میں کہا کہ خیبر پختونخوا حکومت نے کاروبار کھولنے کے اوقات میں مزید ایک گھنٹے کی توسیع کردی ہے۔

اپنے بیان میں اجمل وزیر نے کہا کہ عوام کی اسانی کے لئے صوبے میں کاروبار اب 4 کے بجائے 5 بجے تک کھلے رہیں گے۔

مشیر اطلاعات خیبر پختونخوا اجمل وزیر نے مزید کہا کہ تمام دکانداران اور کاروبار کرنے والے افراد حکومتی ایس او پیز پر عمل درآمد یقینی بنائیں گے۔

 واضح رہے اس سے قبل مشیر اطلاعات خیبر پختونخوا اجمل وزیر کا پشاور کے مختلف بازاروں میں حجام اور سیلون شاپس کا دورہ کیا  اور دوسرے میں شاپس میں حکومتی گائیڈ لائنز پر عملدرآمد کا جائزہ لیا، جائزہ لینے کے بعد مشیر اطلاعات کا میڈیا بریفنگ کرتے ہوئے انہوں نے کہا کہ لاک ڈاون میں نرمی ضرور کی گئی ہے لیکن ایس او پیز پر کسی قسم کا سمجھوتہ نہیں کیا جائیگا۔

انہوں نے کہا تھا کہ آج میں وزیر اعلی محمود خان کی خصوصی ہدایت پر حجام اور سیلون شاپس کا دورہ کررہا ہوں اور ایس او پیر پر عمل درآمد کا جائزہ لے رہا ہوں ، لاک ڈاون میں نرمی ضرور کی گئی ہے لیکن ایس او پیز پر کسی قسم کا سمجھوتہ نہیں کیا جائیگا۔

تاجروں کا 24 گھنٹے دکانیں کھولنے کا مطالبہ

اجمل وزیر نے مزید بتایا تھا کہ لاک ڈاون میں نرمی بھی غریب اور دیہاڑی دار طبقے کی مشکلات کو مدنظر رکھ کر کی گئی ہے لیکن  عوام اور تاجر برادری سے اپیل ہے کہ جس طرح انہوں نے لاک ڈاون میں حکومت کا ساتھ دیا ہے اسی طرح ایس او پیز پر عمل درآمد میں بھی حکومت کا ساتھ دیں۔