وزیراعظم عمران خان نے 9 مئی سے کورونا وائرس کے پھیلاؤ کو روکنے کے لیے نافذ لاک ڈاؤن کو مرحلہ وار ختم کر کے ملک میں میں کاروبار کھولنے کا اعلان کردیا۔

تفصیلات کے مطابق وفاقی وزیر اسد عمر نے این سی سی اجلاس کی تفصیلات بتاتے ہوئے کہا ہے کہ آج قومی رابطہ کمیٹی میں چھ اہم نکات پر اتفاق کر لیا گیا ہے ، پبلک ٹرانسپورٹ کو کھولنے سے متعلق ابھی فیصلہ نہیں ہوا ہے ۔

اسد عمر نے کہا کہ اجلاس میں ہفتے کے روز سے چھوٹی مارکٹیں کھولنے پر اتفاق کیا گیا ہے ، دیہی علاقوں اور محلوں میں دکانیں کھولی جائیں گی ۔

وفاقی وزیر نے کہا کہ اجلاس میں فیصلہ کیا گیا ہے کہ فجر یعنی سحری کے بعد شام 5 بجیں تک دکانیں کھلی رہیں گی لیکن رات میں بند رکھی جائیں گی جبکہ ہفتے میں 2 روز اشیائے ضروری کے سوا تمام کاروبار اور مارکیٹیں بند رہیں گیں۔

 اسد عمر نے یہ بھی کہا کہ جب تمام مارکٹیں بند ہوں گی اور اس دوران صرف میڈیکل اسٹورز اور ضروری اشیاء کے کاروبار کی اجازت ہوگی۔

وفاقی وزیر اسد عمر نے مزید کہا کہ ہسپتالوں کی مخصوص اور نشاندہی شدہ آؤٹ پیشنٹ ڈیپارٹمنٹ (او پی ڈی) کھولنے کا فیصلہ کیا گیا جبکہ اسپتالوں کی او پی ڈیز کو بند گیا تھا تاہم اب انہیں بھی کھولنے پر اتفاق کیا گیا ہے۔

واضح رہے کہ وزیراعظم عمران خان نے لاک ڈاؤن بتدریج ہفتے سے کھولنے کا اعلان کر دیا تھا۔

وزیراعظم عمران خان نے کورونا کی صورتحال پر بریفنگ دیتے ہوئے کہا تھا 26 فروری کو ملک میں کورونا کا پہلا کیس سامنے آیا، ساری دنیا کی طرح پاکستان نے بھی لاک ڈاؤن کیا، کورونا وائرس بڑی تیزی سے پھیلتا ہے، خوف تھا لاک ڈاؤن سے دیہاڑی دار طبقہ متاثر ہوگا۔.

لاک ڈاؤن مرحلہ وار ہفتے سے کھلے گا، وزیراعظم

وزیراعظم نے کہا تھا کہ  لاک ڈاؤن سے عوام کو مشکلات درپیش تھیں، دنیا میں ایک دن میں ہزاروں لوگ مر رہے تھے، اللہ کا کرم ہے پاکستان پر دیگر ممالک کی طرح دباؤ نہیں پڑا، ہم نے اب آسانیاں پیدا کرنی ہیں۔