ترجمان دفتر خارجہ ڈاکٹر عائسشہ  فاروقی نے کہا ہے کہ پاکستان مقبوضہ کشمیر میں بھارتی اقدامات کی مزمت کرتا ہے۔

تفصیلات کے مطابق دفتر خارجہ کی ہفتہ وار بریفنگ میں ترجمان دفتر خارجہ ڈاکٹر فاروقی نے کہا ہے کہ پاکستان مقبوضہ کشمیر میں بھارت کی جنب سے ڈومیسائل کے اجراء کے قانون کو مسترد کرتا ہے۔

انہوں نے کہا کہ مقبوضہ کشمیر میں ڈومیسائل کا اجراء و دیگر اقدامات کی مذمت کرتے ہیں اور بتایا ہے کہ  بھارتی قابض فوج مقبوضہ کشمیر میں جعلی مقابلوں میں کشمیریوں کو نشانہ بنا رہی ہے۔

ترجمان کا کہنا ہے کہ مقبوضہ کشمیر میں بھارتی قابض افوج کی جانب سے انسانی حقوق کی خلاف ورزیوں کی مذمت کرتے ہیں۔

انہوں نے بتایا کہ 17 اور 18 مئی کو بھارت کی جانب سے کھوئی رٹہ اور نکیال سیکٹروں میں جنگ بندی کی خلاف ورزیاں کی جبکہ اب تک بھارت نے رواں برس جنگ بندی کی 1102 خلاف ورزیاں کی ہیں۔

ان کا کہنا تھا کہ پاکستان او آئی سی کے غیت جانبدرانہ کمیشن کی جانب سے مقبوضہ کشمیر میں ڈومیسائل کے قانون کو مسترد کرنے کا خیر مقدم کرتا ہے اور او آئی سی نے جموں و کشمیر کے تنازع کو اقوام متحدہ کے سیکیورٹی کونسل کی قراردادوں کے مطابق حل کرنے کی حمایت بھی کی ہے۔

ترجمان نے بتایا کہ وزیر خارجہ نے جاپان کے وزیر خارجہ سے رابطہ کیا ہے اور کہا ہے کہ پاکستان کابل میں افغان سیاسی قیاست کے درمیان معہدے کا خیر مقدم کرتا ہے کیونکہ پاکستان ایک پرامن اور جمہوری افغانستان چاہتا ہے جس کے ہمسایہ ممالک سے پرامن تعلقات ہوں۔