لاک ڈاؤن میں نرمی  کے بعد پنجاب میں کورونا وائرس کے مزید 287  کیسز کی تصدیق ہوئی ہے جس کے بعد صوبے بھر میں مجموعی تعداد 14201  ہو گئی ہے۔

تفصیلات کے مطابق ترجمان پرائمری اینڈ سیکنڈری ہیلتھ کئیر سے جا ری کردہ بیان کے مطابق پنجاب میں کورونا وائرس کے مزید 287  کیسز کی تصدیق ہوئی ہے جس کے بعد صوبے بھر میں مجموعی تعداد 14201  ہو گئی جبکہ ملک بھر میں کرونا سے متاثرہ افراد کی تعداد 39642 ہوگئی۔

پنجاب میں کرونا وائرس سے متاثرین افراد کی تعداد 5300سے تجاوز

پرائمری اینڈ سیکنڈری ہیلتھ کئیر کی ترجمان ن کا کہنا تھا کہ عام شہروں میں سب سے ذیادہ لاہور میں کورونا وائرس کے 110 نئے مریض سامنے آئے ہیں جبکہ مریضوں کو مکمل طبی سہولیات فراہم کی جا رہی ہے۔

ترجمان پرائمری اینڈ سیکنڈری ہیلتھ کئیر نے کہا کہ اٹک 19، چکوال 4، ڈی جی خان 3، گوجرانوالہ 48، حافظ آباد 6، قصور 13 اور لیہ میں 1 نیا کیس سامنے آیا  جبکہ منڈی بہاوالدین 1، ملتان 6، ننکانہ 1، راجن پور 6، راولپنڈی 24، ساہیوال میں 1 نیا کیس سامنے آیا اور سرگودھا 4، شیخوپورہ 16 جبکہ سیالکوٹ میں 24 نئے کیس سامنے آئے۔

ترجمان نے یہ بھی کہا کہ تمام کنفرم مریض آئسولیشن وارڈز میں داخل ہیں جبکہ مریضوں کو مکمل طبی سہولیات فراہم کی جا رہی ہےجبکہ پنجاب بھر میں اب تک کل 155247 ٹیسٹ کیے جا چکے ہیں جن میں سے کورونا وائرس سے اب تک کل 245 اموات، 4757 افراد صحت یاب ہو چکے ہیں۔

ترجمان پرائمری اینڈ سیکنڈری ہیلتھ کئیر نے مزید کہا کہ عوام سے گزارش ہے کہ حفاظتی تدابیر اختیار کرکے خود کو محفوظ بنائیں اور متاثرہ ممالک سے آئے افراد میں آئسولیشن کے دوران علامات ظاہر ہوں تو 1033 پر رابطہ کریں۔