سندھ حکومت کی جانب سے کورونا وائرس سے نمٹنے کے لیے قائم کیے گئے کورونا وائرس ایمرجنسی فنڈ میں 3ارب 60 کروڑ 30 لاکھ روپے جمع ہوگئے ہیں۔

سیکریٹری خزانہ سندھ سید حسن نقوی نے بول نیوز سے گفتگو کرتے ہوئے کہا ہے کہ سندھ حکومت کے قائم کردہ کورونا وائرس ایمرجنسی فنڈ میں 3ارب 60 کروڑ 30 لاکھ روپے جمع ہوچکے ہیں۔

سیکریٹری خزانہ سندھ سید حسن نقوی نے  یہ بھی کہا کہ کورونا وائرس فنڈ میں مختلف مخیر حضرات اور نجی اداروں نے 27 کروڑ 19 لاکھ روپے جمع کرائے ہیں۔

بول نیوز سے گفتگو کرتے ہوئے سیکریٹری خزانہ سندھ سید حسن نقوی نے  مزید کہا کہ کورونا وائرس ایمرجنسی فنڈ میں مزید رقم جمع کرانے کے لیے مخیر حضرات رابطہ کر رہے ہیں۔

 واضح رہے کہ کورونا وائرس کے باعث رلیف کے کاموں  کے لیے وزیراعلیٰ سندھ مراد علی شاہ نے کورونا وائرس فنڈ قائم کیا تھا۔

بیرسٹر مرتضی وہاب کا کورونا فنڈ کے لئے ویڈیو پیغام

یاد رہے کہ مشیر قانون مرتضی وہاب نے اپنے ویڈیو بیان میں کہا تھا کہ سندھ حکومت کے کورونا ایمرجنسی فنڈ میں شہریوں کی جانب سے 74 ملین روپے جمع کرائے گئے ہیں ۔

بیرسٹر مرتضی وہاب نے کہا تھا کہ کورونا ایمرجنسی فنڈ سےمتعلق تمام معلومات صوبائی محکمہ خزانہ کی ویب سائٹ پر اپ لوڈ کردی ہیں جبکہ سندھ حکومت نے کورونا وائرس ایمرجنسی فنڈ کی تمام تفصیلات پبلک کی ہیں تاکہ شہری محکمہ خزانہ کی ویب سائیٹ پر سندھ کورونا ایمرجنسی فنڈکی تفصیلات تفصیل جان سکیں گے۔

 انہوں نے کہا تھا کہ جوکورونا ایمرجنسی فنڈ میں سندھ حکومت نے ابتدائی طور پر تین ارب روپے رکھے تھے۔ یہ پیسہ قوم کی امانت ہے، یہ فنڈ شہریوں کو ریلیف فراہم کرنے اور صحت کی سہولیات میں اضافے کے لئے خرچ ہوگا۔