وزیراعلیٰ سندھ سید مراد علی شاہ نے بتایا ہے کہ سندھ میں کورونا کے  6116 مریض زیرعلاج ہیں جن میں  آج کورونا کے 417 نئے کیسز رپورٹ ہوئے ہیں۔

تفصیلات کے مطابق وزیراعلیٰ سندھ سید مراد علی شاہ کا کورونا وائرس کی صورتحال پر پیغام میں بتایا ہے کہ اب تک سندھ بھر میں74 کورونا کے مزید مریض صحتیاب ہوئے ہیں  جبکہ کورونا کے 24 گھنٹوں میں مزید 2571  ٹیسٹ کیےگئے ہیں۔

انہوں نے کہا کہ اب تک 66623  ٹیسٹ ہو چکے ہیں جس کے بعد کورونا کے کُل کیسز کی تعداد 7882  ہوگئی ہے۔

وزیراعلیٰ سندھ سید مراد علی شاہ نے کہا کہ پچھلے 24 گھنٹوں کے دوران کورونا کے باعث 7 اموات ہوئی ہیں جس کے بعد کورونا کے باعث انتقال ہونے والوں کی تعداد 137 ہوگئی ہیں۔

انہوں نے بتایا کہ اب تک 1222 مریض صحتیاب ہوئے،جو کُل تعداد کا 20.2 فیصد ہے اور کورونا کے 4994 مریض گھروں میں آئیسولیٹ ہیں۔

وزیراعلیٰ سندھ سید مراد علی شاہ نے کہا ہے کہ 615 مریض آئیسولیشن مراکز اور 507 اسپتالوں میں زیرعلاج ہیں، 79 مریضوں کی حالت تشویشناک ہے جبکہ 16 مریض وینٹی لیٹرز پر ہیں۔

417 نئے کیسز میں 357  کیسز کا تعلق کراچی سے ہے، ملیر میں 123،ضلع جنوبی کراچی میں 91 اور ضلع وسطی میں 51 58کورونا کے نئے کیسز ہوئے ہیں، ضلع شرقی میں 44 اورضلع غربی میں 30 اورکورنگی میں 18 نئے کیسز سامنے آئے ہیں، سکھر میں 20، گھوٹکی میں 8، حیدرآباد میں 4نئے کیسز رپورٹ ہوئے، جیکب آباد میں 3، سانگھڑ اور سجاول میں ایک ایک کورونا وائرس کے مریض سامنے آئے ہیں۔