وزیر اعلیٰ بلوچستان جام کمال خان نے کہا ہے کہ بلوچستان کا طویل ساحل اور سمندری پیداوار ہمارے ایسے قیمتی اثاثہ جات ہیں جنہیں صیح معنوں میں برؤے کار لاکر ساحلی علاقوں میں روزگار کے مواقعوں اور معاشی سرگرمیوں میں اضافہ کیا جا سکتا ہے ۔

تفصیلات  کے مطابق وزیر اعلیٰ بلوچستان جام کمال خان نے فشریز سیکٹر کے ترقیاتی منصو بوں کی پیش رفت کے جائیزہ اجلاس سے خطاب کرتے ہوئے کہا کہ کورونا وائرس کی احتیاطی تدابیر کے پیش نظر اجلاس ویڈیو لنک کے زریعہ منعقد کیا گیا  ہے۔

 وزیر اعلیٰ بلوچستان نے کیج فارمنگ اور لینڈنگ جیٹیوں کے قیام کے منصوبوں کو جلد از جلد عملی جامع پہنانے کی ضرورت پر زور دیتے ہوئے کہا کہ دنیا کے بہت سے ممالک نے کیج فارمنگ کے زریعہ اپنی سمندری پیداوار میں اضافہ کرتے ہوئے سمندری پیداوارکی بین الاقوامی مارکیٹ میں برتری حاصل کی ہے اور اب وہ کثیر زرمبادلہ حاصل کرکے اپنی معیشت کو مضبوط کر رہے ہیں ۔

جام کمال خان  نے یہ بھی کہا کہ بلوچستان کا طویل ساحل اور آب وہوا کیج فارمنگ کے لیۓ انتہائ موزوں ہیں جبکہ ہمارا خوبصورت ساحل سیاحت کے لیۓ بھی پر کشش ہے۔

لاک ڈاون سے لوگوں کا روزگار خطرے میں ہے، وزیراعلیٰ بلوچستان

 وزیر اعلیٰ بلوچستان کا کہنا تھا کہ  کورونا وائرس کے معاشی نقصانات کے ازالے کے لیۓ ہمیں اپنے قدرتی وسائل سے بھرپور استفادہ کرنا ہو گا ۔

جام کمال خان نے محکمہ ماہی گیری کو لینڈنگ جیٹیوں کی تعمیر اور کیج فارمنگ کے لیۓ محکمہ ریونیو سے اراضی کے حصول کے عمل کو جلد مکمل کرنے اور نجی شعبہ کو راغب کرنے کی ہدایت بھی کی سیکریٹری ماہی گیری نے آگاہ کیا کہ وفاقی حکومت ساحلی ترقی کے منصوبوں کے لیۓ سوفٹ قرضہ فراہم کرہی ہے اور صوبائ حکومت نے برج فنانسنگ کے لئے 1500 ملین روپے مختص کئے ہیں۔

 وزیر اعلیٰ بلوچستان جام کمال خان نے  مزید کہا کہ وزیراعلئ کی رہنمائ کے مطابق کیج فارمنگ اور لینڈنگ جیٹیوں کے وفاقی اور صوبائ فنڈنگ کے منصوبوں پر جلد عملدرآمد کا آغاز کیا جاۓ گا۔

چیف سیکریٹری فضیل اصغر ایڈیشنل چیف سیکریٹری منصوبہ بندی و ترقیات سیکریٹری خزانہ اور سیکریٹری ماہی گیری نے اپنے اپنے دفاتر سے اجلاس میں شرکت کی۔