حکومت پنجاب نے داتا دربار، دربار پاکپتن اور دیگر مزارات کو کھولنے کی اجازت دینے کا فیصلہ  کرلیا ہے۔

تفصیلات کے مطابق وزیر قانون پنجاب راجہ بشارت نے اپنے ایک بیان میں کہا کہ داتا گنج بخش سمیت محکمہ اوقاف کے زیر اہتمام 544مزارات کھولنے کا فیصلہ  کیا ہے ، مزارات پر ایس او پیز کے تحت اقدامات کیے جائیں۔

راجہ بشارت نے کہا کہ مزارات پر ضروری ایس او پیز سمیت تمام اقدامات کیے جائیں گے تاہم سماجی فاصلہ برقرار رکھنے کیلئے جاری کیے گئے ایس او پیز پر عمل کرنا لازمی ہوگا۔

وزیر قانون پنجاب راجہ بشارت نے مزید کہا کہ صوبائی وزیر قانون راجہ بشارت کا کہنا تھا کہ مارکیٹ اور مساجد میں ایس او پیزاور مقررہ اوقات کی پابندی کرائی جائے گی۔

کورونا کے تصدیق شدہ کیسز کی تعداد 45,898 تک پہنچ گئی

اس موقع پر صوبائی وزیر اوقاف و مذہبی امور پنجاب سید سعید الحسن شاہ   نے مزارات کھولنے کے حوالے سے کہا کہ کورونا وائرس کی وجہ سے مزارات بند کئے گئے تھے اب جب کہ حکومت نے لاک ڈاؤن میں نرمی کی ہے تو مزارات کو بھی مخصوص اوقات کے لئے کھولا جاسکتا ہے۔

صوبائی وزیر اوقاف و مذہبی امور پنجاب سید سعید الحسن شاہ    نے مزید کہا کہ اگر حکومت نے جمعۃ الوداع اورنمازعید کے اجتماعات کی اجازت دی تو اس حوالے سے حفاظتی اقدامات اٹھائے جائیں گے۔

واضح رہے کہ پنجاب میں15مارچ2020 کو مزارات بند کرنے کا فیصلہ کیا تھا اور لاک ڈاؤن کے دوران مزار بند ہونے سے محکمہ اوقاف پنجاب کو 26 کروڑ کا نقصان ہوا ہے۔