وفاقی وزیر اسد عمر نے کہا ہے کہ دکانداروں کو “نو ماسک نو سروس” کی پالیسی پر عمل کرنا چاہیے۔

تفصیلات کے مطابق نیشنل کمانڈ اینڈ آپریشن سینٹر کا اجلاس وفاقی وزیر اسد عمر کی زیر صدارت ہوا، اجلاس میں کل ہونے والے این سی سی اجلاس کے حوالے سے تجاویز اور سفارشات مرتب کی گئی ۔

اجلاس میں اسد عمر کی جانب سے لاک ڈاؤن ختم کرنے اور ایس او پیز پر عمل درآمد مزید سخت کرنے کی ہدایت دی گئی اور  کہا کہ دکانداروں کو “نو ماسک نو سروس” کی پالیسی پر عمل کرنا چاہیے۔

اجلاس میں ایس او پیز کی خلاد ورزی پر سخت اقدامات کی تجاویز دی جبکہ اسد عمر کی جانب سے وباء کے حوالے سے حکومتی اقدامات پر عوام میں آگاہی مہم مزید تیز کرنے کی ہدایت دی جبکہ مُلک بھر کے ہسپتالوں میں وینٹی لیٹرز کی دستیابی پر اطیمنان کا اظہار کیا۔

اجلاس میں اسد  عمر  نے  بیڈز اور دیگر سہولیات کی دستیابی کے حوالے سے تازہ ترین اعدادوشمار فراہم کرنے کی ہدایت کی  جبکہ صوبوں میں کمیونٹی موبلائزیشن اور 15 جون تک کال سینٹرز کے قیام پر زوردیا۔

اجلاس میں  اسد عمر کو بریفنگ دیتے ہوئے کہا گیا کہ این سی او سی کی جانب سے ‘وباء کے ساتھ جینے’ کی شارٹ اور لانگ ٹرم پالیسیز پر کام جاری ہے ، ریسورس مینجمنٹ سسٹم کا اطلاق یکم جون سے مُلک بھر میں کر دیا جائے گا جبکہ سسٹم کے تحت ہسپتال لوکل ریسورسز سمیت تمام تر اعدادوشمار باآسانی شئیر کرسکیں گے۔

بریفنگ میں مزید کہا گیا کہ سندھ اور بلوچستان حکومت سمارٹ لاک ڈاؤن کے نفاز کے حوالے سے متفق نہیں ، دونوں صوبوں کی جانب سے ہوم قرنطینہ کی پالیسی کو ترجیع دی جارہی ہے۔

ماسک کا استعمال لازمی قرار

ڈاکٹر ظفر مرزا  نے اجلاس میں کہا کہ صورتحال سے نمٹنے کے لیے وزارت صحت میڈیکل کے فائنل ائیر سٹوڈینٹس, ینگ ڈاکٹرز, ہاؤس جاب کرنے والے ڈاکٹرز کو متحرک کر رہی ہے، واک ان انٹرویوز کے زریعے جلد ہی نئے ڈاکٹرز کی بھرتیاں بھی کی جائیں گی ۔

اجلاس میں وفاقی وزیر داخلہ, وفاقی وزیر فخر امام, وزیر معاشی امور خسرو بخیار   ، معاونین خصوصی ڈاکٹر ظفر مرزا اور ڈاکٹر معید یوسف  نے بھی شرکت کی۔