کراچی میں رینجرز کی کارروائی، سی ٹی ڈی سب انسپکٹر سمیت 4 ملزمان گرفتار

ندیم احمد

03rd May, 2020. 12:33 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

کراچی میں رینجرز کی کارروائی، سی ٹی ڈی سب انسپکٹر سمیت 4 ملزمان گرفتار

کراچی کے علاقے محمودآبادمیں رینجرزنے کارروائی کرتے ہوئےشہری کے اغوا میں ملوث سی ٹی ڈی سب انسپکٹرسمیت چارملزمان گرفتارکرلیے۔

تفصیلات کے مطابق کراچی کے علاقے محمودآبادمیں رینجرزنے کارروائی کرتے ہوئےشہری کے اغوا میں ملوث سی ٹی ڈی سب انسپکٹرسمیت چاراغوا کاروں کوگرفتارکرکے مغوی کوبازیاب کرالیا۔

ترجمان رینجرزکے مطابق گرفتارملزمان میں سی ٹی ڈی کاسب انسپکٹرارشد،احمد شاہد عرف میجر،ایکسائز کا سول انفارمرخرم وارث،اور مغوی کابہنوئی شاہد خان شامل ہے۔

ملزمان نے 27 اپریل کے روزمحمودآبادسے غلام شبیرنامی شہری کواغواکیاجس کے بعد ملزمان نےمغوی کے اہل خانہ سے 5 کروڑ روپے تاوان کامطالبہ کیاتھا ۔

اغواکارگروہ کے سرغنہ احمد شاہ نے خود کوجعلی انٹیلیجنس افسرظاہرکرکے اسفندیار کے نام سے اہل خانہ سے رابطہ کیاتھا۔

ملزمان نے دوران تفتیش اغواکی وارداتوں کے لیے حساس سیکیورٹی اداروں کے نام استعمال کرنے کااعتراف کیا جبکہ ملزمان کے دیگردوساتھی مفرورہیں جن کی تلاش جاری ہے۔

دوسری جانب پولیس نے مختلف علاقوں میں کارروائیوں کے دوران دو پولیس اہلکاروں کےقاتل سمیت 16ملزمان گرفتار کرلیے۔