ملک میں آج مزید 722 مریضوں نے کورونا وائرس کو شکست دے دی جس کے بعد ملک میں کورونا سے صحتیاب مریضوں کی کل تعداد 18163 ہو گئی ہے ۔

تفصیلات کے مطابق آج  صوبہ سندھ ، پنجاب ، خیبر پختونخوا اور گلگت بلتستان میں کورونا وائرس سے متاثر مزید 722 مریضوں کے صحتیاب ہونے کی تصدیق ہوئی جن میں سے 7 مریض گلگت بلتستان ، 60 مریض خیبر پختونخوا میں جبکہ 614 مریض سندھ میں  اور 41 مریض پنجاب میں صحتیاب ہوئے جس کے بعد ملک بھر میں اب تک کرونا وائرس سے صحت یاب ہونے والوں کی مجموعی تعداد 18000 سے تجاوز کر گئی۔

 اعداد وشمار کے مطابق پاکستان میں مہلک وائرس سے اب تک 18163 افراد صحتیاب ہوچکے ہیں جن میں سے 7973 مریضوں کا تعلق سندھ، 444 مریضوں کا تعلق گلگت بلتستان، 152 مریضوں کا تعلق اسلام آباد، 2529 مریضوں کا تعلق خیبر پختونخوا ،875 مریضوں کا تعلق بلوچستان اور 6091 مریضوں کا تعلق پنجاب سے جبکہ 99 مریض کا تعلق آزاد کشمیر سے ہے۔

دوسری جانب پاکستان میں کورونا وائرس سے آج مزید 21 افراد جان کی بازی ہار گئے ، جس کے بعد اموات کی تعداد 1180 ہوگئی جبکہ متاثرہ مریضوں کی تعداد 56980 ہوگئی ہے۔

آج سندھ میں کورونا سے 2 ، خیبرپختونخوا میں ایک ہی دن میں کورونا سے 10 ، اسلام آباد  میں کورونا سے 2 ، آزاد کشمیر اور گلگت بلتستان میں کورونا سے 1، 1 جبکہ پنجاب میں بھی کرونا سے 5 اموات ہوئی ہے۔

ملک میں کورونا سے صحتیاب مریضوں کی کل تعداد 1000 سے تجاوز

پاکستان میں کوروناوائرس سے جاں بحق مریضوں کی اعداد و شمار کے مطابق اس وقت سندھ میں 369 ، بلوچستان میں 40 ، خیبرپختونخوا میں 408 ، آزاد کشمیر میں 2،اسلام آباد میں 16، گلگت بلتستان میں 8 ، پنجاب میں 337 افراد جان کی بازی ہار چکے ہیں۔

واضح رہے کہ  ملک میں کورونا وائرس کے آج  مزید 1200 افراد میں مہلک وائرس کی تشخیص ہوئی جن میں سندھ سے 443 ، اسلام آباد میں 49،  پنجاب میں 520 ، گلگت بلتستان میں 11 جبکہ خیبرپختونخوا میں 175 اور آزاد کشمیر میں 2 کورونا وائرس کے کیسز کی تصدیق ہوئی ہے جس کے بعد ملک بھر میں متاثرہ افراد کی تعداد 56980 تک پہنچ گئی ہے۔