وطن کی حرمت اور لوگوں کی خدمت کے جذبے سے سر شار میجر محمد اصغر ہم وطنوں اور کورونا وائرس کے بارڈر کی حفاظت کرتے ہوئے خالقِ حقیقی سے جا ملے۔

تفصیلات کے مطابق ڈی جی آئی ایس پی آر میجر جنرل بابر افتخار نے اپنے ایک بیان میں کہا کہ آرمی چیف نے جو ہدایات دی تھیں، کہ لوگوں تک پہنچیں اور اُن کی مشکلات میں آسانی پیدا کریں میجر محمد اصغر نے اُس کا عملی ثبوت پیش کر دیا۔

میجر جنرل بابر افتخار نے کہا کہ جب افغانستان میں پھنسے لوگوں کی واپسی شروع ہوئی تو میجر محمد اصغر کے ذمہ طور خم بارڈر ٹرمینل پر سکریننگ کی ذمہ داری سونپی گئی تھی۔

ڈی جی آئی ایس پی آر نے یہ بھی کہا کہ میجر محمد اصغر طور خم بارڈر ٹرمینل پر اپنے فرائض سر انجام دے رہے اور لیکن فرض کی ادائیگی میں آپ نے کئی لوگوں کو اس وَبا سے محفوظ رکھنے میں بھر پور کردار ادا کیا۔

ڈی جی آئی ایس پی آر کا کہنا تھا کہ میجر محمد اصغر خود صُبح سے شام تک ٹرمینل پر موجود رہتے تاکہ جاری ہدایات پر مکمل عمل کرایا جاسکے،10 مئی کو اچانک سینے میں تکلیف محسوس ہوئی، آفیسر کو میڈیکل فیسیلٹی میں منتقل کیا گیا لیکن محمد اصغر خود اپنے خالقِ حقیقی سے جا ملے۔

آرمی چیف کا اسد قیصر کو فون، صحت یابی کے لیے دعا

 بابر افتخار کا یہ بھی کہنا تھا کہ ہم اپنے گھر میں کام کر رہے ہیں کیونکہ پاکستان ہمارا گھر ہے، ایک ایسے وقت میں جب سب گھروں میں محصور ہو رہے تھے تو افواجِ پاکستان فرنٹ لائن پر لوگوں کی خدمت کے لئے نکلی ہوئی ہے۔

ڈی جی آئی ایس پی آر میجر جنرل بابر افتخار کا مزید کہنا تھا کہ میجر محمد اصغر نے جان تو دے دی لیکن مقدس فریضے کو آخری وقت تک نبھاتے رہے، قوم اپنے اس ہیرو کو سَلام پیش کر تی ہے۔