گذشتہ روز پیش آنے والا پی آئی اے طیارہ حادثے کے بعد آج سے ایک بار پھر کراچی ائیرپورٹ پر پروازوں کا شیڈول بحال کردیا گیا ہے۔

کراچی ایئرپورٹ کے بحال شدہ شیڈول کے مطابق کراچی آنے والی پروازوں میں جدہ سے پرواز پی کے 758 صبح پانچ بجے کراچی پہنچی تھی جبکہ لاہور سے پی آئی اے کی پرواز پی کے 8305 پونے تین بجے کراچی پہنچے گی۔

کراچی پہچنے والی پروازوں میں اسلام آباد سے پرواز پی کے 8309 دوپہر ایک بجے کراچی پہنچے گی جبکہ دبئی سے پی آئی اے کی پرواز پی کے 8214 شام چھ بجے کراچی اترے گی اور لاہور سے دوسری پرواز ای آر 525 شام ساڑھے چھ بجے کراچی پہنچے گی۔

بحال شدہ پیڈول کے مطابق اسلام آباد سے پرواز ای آر 503 شام ساڑھے چھ بجے کراچی اترے گی اور لاہور اسلام آباد سے حادثہ متاثرین کے اہلخانہ کو بھی کراچی پہنچایا جائے گا۔

آرمی چیف کا طیارہ حادثے پر گہرے دکھ کا اظہار

دوسری جانب کراچی سے روانہ ہونے والی پروازوں کا بھی نیا شیڈول جاری کردیا گیا ہے جس کے مطابق کراچی سے پرواز ای آر 500 اسلام آباد روانہ ہوگی جبکہ پی آئی اے کی پرواز پی کے 8308 بھی اسلام آباد روانہ ہوگئی۔

کراچی سے روانہ ہونے والی پروازیوں میں دبئی کیلئے پی آئی اے کی پرواز پی کے 8213 دوپہر ساڑھے بارہ بجے روانہ ہوگی جبکہ پرواز ای آر 502 ڈیڑھ بجے اسلام آباد جائے گی اور لاہور کیلئے پرواز ای آر 524 دوپہر اڑھائی بجے روانہ ہوگی۔

روانگی کے شیڈول میں کراچی سے اسلام آباد کیلئے پی آئی اے کی پرواز پی کے 8308 سہہ پہر ساڑھے تین بجے روانہ ہوگی اور کراچی سے لاہور کیلئے پی آئی اے کی پرواز پی کے 8304 بھی سہہ پہر میں روانہ ہوگی۔

واضح رہے کہ کراچی کے رہائشی علاقے ماڈل کالونی میں پی آئی اے طیارہ گر کر تباہ ہوگیا ہے۔ابتدائی اطلاعات کے مطابق  جہاز میں عملے سمیت 90سے زائد مسافر موجود تھے۔