پنجاب حکومت کا لاک ڈاون کےحوالے سے اہم اقدام، ہفتے میں چار دن نرمی اور3دن مکمل لاک ڈاون کا فیصلہ کر لیا گیا۔

تفصیلات کے مطابق پنجاب میں جزوی لاک ڈاون میں  31 مئی تک توسیع کر دی گئی، لاک ڈاون  کے معاملے پر محکمہ صحت نے نوٹی فکیشن جاری کردیا۔

محکمہ صحت کی جانب سے جاری کردہ نوٹی فکیشن میں کہا گیا ہے کہ پنجاب میں  چار دن  صبح 8  بجے سے شام پانچ بجے تک  کاروبار کیا جاسکے  گے جبکہ جمعہ ہفتہ اتوار چھٹی ہوگی۔

نوٹی فکیشن میں یہ بھی کہا گیا ہے کہ بڑے شاپنگ مالز ،تعلیمی ادارے ،ریسٹورنٹ بدستور  بند رہیں گے جبکہ ہوٹل،شادی ہالز، سینمااور عوامی اجتماعات پر پابندی ہو گی

 نوٹی فکیشن میں مزید کہا گیا ہے کہ کھیلوں کی  تقریبات اور جلسے جلوس ،پبلک ٹرانسپورٹ ماسوائے چنگ چی رکشہ  بند رہے گا جبکہ ٹرانسپورٹرز کے ساتھ جلد ملاقات  میں ایس او پیز  تیارکرکے پبلک ٹرانسپورٹ کو بھی کھول دیا جائے گا

حکومت کا ملک بھر میں کاروبار کھولنے کا اعلان

خیال رہے کہ وفاقی حکومت نے ہفتے میں 2 روز دکانیں بند کرنے کا اعلان کرتے ہوئے محلے کی دکانیں کھولنے کا فیصلہ کیا تھا۔

 7 ميی کو قومی رابطہ کمیٹی کے اجلاس کے بعد وزیرِ اعظم عمران خان کے ہمراہ میڈیا سے گفتگو کرتے ہوئے وفاقی وزیر اسد عمر نے کہا تها کہ اجلاس میں چھوٹی مارکیٹیں کھولنے کی اجازت دینے کا فیصلہ کیا گیا ہے۔

اسد عمر نے یہ بھی کہا تها کہ چھوٹی مارکیٹیں اور چھوٹی دکانیں صبح فجر سے شام 5 بجے تک کھلی رہیں گی جبکہ اوپن ہونے والی چھوٹی مارکیٹیں و دکانیں ہفتے میں 2 دن بند رہیں گی.2 دن بندش کا اطلاق پہلے سے کھولی گئی فارمیسی، میڈیکل سٹورز، دودھ دہی کی دکانوں، کریانہ سٹوروں، تندوروں اور بیکریوں پر نہیں ہوگا۔

واضح رہے کہ وزیراعظم عمران خان نے لاک ڈاؤن بتدریج ہفتے سے کھولنے کا اعلان کر دیا تھا۔

وزیراعظم عمران خان نے کورونا کی صورتحال پر بریفنگ دیتے ہوئے کہا تھا 26 فروری کو ملک میں کورونا کا پہلا کیس سامنے آیا، ساری دنیا کی طرح پاکستان نے بھی لاک ڈاؤن کیا، کورونا وائرس بڑی تیزی سے پھیلتا ہے، خوف تھا لاک ڈاؤن سے دیہاڑی دار طبقہ متاثر ہوگا۔