تاجر رہنماؤں نے مارکیٹیں اور صنعتی مراکز کھولنے کے لیے احتجاجی تحریک چلانے کا اعلان کردیا ہے۔

تفصیلات کے مطابق کراچی کے تاجر رہنماؤں نے امیر جماعت اسلامی کراچی حافظ نعیم الرحمان کے ہمراہ پریس کانفرنس کرتے ہوئے  مارکیٹیں کھولنے کے لیے احتجاجی تحریک چلانے کا اعلان کرتے ہوئے کہا کہ۔کل سے جماعت اسلامی کراچی احتجاجی تحریک شروع کرے گی۔

حافظ نعیم الرحمان نے کہا کہ سندھ حکومت سندھ تاجروں سے مذاکرات میں ایس او پیز پر اتفاق کرچکی ہے لیکن عمل نہیں کررہی اس لئے کل فائیو اسٹار چورنگی پر ساڑھے 3 بجے تاجر برادری کے ہمراہ مظاہرہ ہوگا ۔

امیر جماعت اسلامی نے یہ بھی کہا کہ7 مئی کو ادارہ نور حق میں تاجروں کا نمائندہ کنونشن ہوگا جس میں آئندہ کا لائحہ عمل طے کیا جائے گا جبکہ احتجاج میں لاء اینڈ آرڈر سمیت تمام ایس او پی پر عمل کیا جائے گا۔

تاجروں کا 10 مئی سے کاروبار کھولنے کا اعلان

ان کا کہنا تھا کہ احتجاج جمہوری حق ہے، لاہور اور کراچی میں ایک ہی کرونا ہے لیکن لاہور میں کاروبار کھلا اور کراچی میں بند ہے۔

امیر جماعت اسلامی کراچی حافظ نعیم الرحمان کا یہ بھی کہنا تھا کہ وفاقی حکومت سندھ حکومت کو کاروبار کھولنے سے متعلق واضح پالیسی فراہم کرے، حکومت کی ذمہ داری بنتی تھی کہ لاک ڈاؤن کی صورت میں شہریوں کو ریلیف دیتے اور جب حکومت اپنی ذمہ داری پوری نہیں کر رہی تو شہریوں کس خود کما کر کھانے کی اجازت دیں

اس موقع پرتاجر رہنما محمود حامد نے کہا کہ تاجروں کی گرفتاریوں کو بند کیا جائے غریب آبادی میں بھوک اور افلاس ہے، تاجر کنگال ہو چکے ہیں جبکہ تمام ایس او پی طے ہو گئی تھی لیکن تاحال وزیر اعلیٰ منظوری نہیں سی صرف آن لائن کاروبار کی صورت میں تاجروں کو لالی پاپ دیا گیا ہے۔