چیٸرمین پیپلز پارٹی بلاول بھٹو زرداری نے قوم سے اپیل اور درخواست کی ہے کہ آج اکیس ویں رمضان کی بڑی رات ہے کل جمعہ مبارک اور یوم علی بھی ہے۔

تفصیلات کے مطابق چیٸرمین پیپلزپارٹی بلاول بھٹو زرداری نے قوم کے نام اپنے ایک ویڈیو پیغام میں کہا کہ کورونا کی خطرناک وبا کی وجہہ سے آپ اپنا تحفظ کریں ، اپنے بچوں کا تحفظ کریں اپنے بزرگوں کا تحفظ کریں، اپنی عبادات اور عزاداری اپنے گھروں میں کریں۔

چیٸرمین پیپلزپارٹی بلاول بھٹو زرداری نے مزید کہا کہ ہمارے فرنٹ لاٸین ورکر ، ہمارے ڈاکٹر ،ہماری نرسز ،ہمارے پیرا میڈیکل اسٹاف جو اس وقت دن رات محنت کر رہے ہیں ،اپنی صحت اور زندگی خطرے میں ڈال رہے ہیں تاکہ وہ آپ کا اور ہم سب کا تحفظ کر سکیں ، ہم ان پر اتنا ہی بوجھ ڈالنا چاھتے ہیں  جتنا وہ اٹھا سکیں۔

یاد رہے اس سے قبل سندھ میں علمائےکرام کی مشاورت سےتمام مذہبی سرگرمیوں، جلوسوں اورریلیوں پرپابندی برقرارہے، محکمۂ داخلہ سندھ نےاس حوالےسےنیانوٹی فکیشن جاری کردیاہے۔

دوسری جانب محکمہ داخلہ پنجاب نےرمضان المبارک کےآخری عشرے میں اور یوم علیؓ پرجلوس نکالنے پرپابندی عائدکردی تاہم ایس اوپیزپوراکرنے پرامام بارگاہوں اور گھروں پر مجالس کی جاسکیں گی۔

ملک بھرمیں یوم ِعلی کے جلوسوں پر پابندی عائد

محکمہ داخلہ پنجاب کے نوٹیفکیشن کے مطابق رمضان المبارک کے آخری عشرے میں مجالس کا دورانیہ ایک گھنٹہ ہو گا جس میں محدود تعداد میں لوگ شرکت کر سکیں گے۔

نوٹیفیشن میں کہا گیا ہےکہ امام بارگاہوں میں مجالس فرش پرہوں گی اورشرکامیں فاصلہ 6 فٹ ہوگا،جبکہ بچوں، 50 سال سے زاائد عمر کے افراد اور بیماروں کو امام بارگاہوں میں نہیں آئے  گا