ابوظہبی سے آنے والے تمام مسافروں  کے کورونا وائرس کے ٹیسٹ کی رپورٹ آگئی جس میں مسافروں میں کورونا کی تصدیق ہوئی ہے۔

تفصیلات کے مطابق ابوظہبی سے آنے والی فلائٹ کے 104 مسافروںمیں کورونا وائرس مثبت آگیا ہے۔

یاد رہے کہ فلائٹ 209 مسافروں کو لے کر 28 اپریل کو اسلام آباد ایئرپورٹ پرآئی تھی جس کے بعد تمام مسافروں کو فاطمہ جناح ویمن یونیورسٹی میں قائم قرنطینہ سنٹر منتقل کیا گیا تھا۔

تمام مسافروں کے کورونا وائرس کے ٹیسٹ لے کر این آئی ایچ بھجوائے گئے ہیں جس میں سے دوسو9 مسافروں میں سے 104 مسافروں کا کورونا ٹیسٹ مثبت آگیا ہے۔

خطرات کے باوجود شہباز شریف نیب میں پیش ہوں گے، ترجمان

خیال رہے کہ اس سے قبل کورونا کے حوالے سے میڈیا بریفینگ دیتے ہوئے ان کا کہنا تھا کہ خلیجی ممالک میں پھنسے مزدور اور دیہاڑی دار افراد کو واپس لارہے ہیں،88 ممالک میں پاکستانی موجود ہیں اوران میں سے بیشتر واپس آنا ہے۔

انہوں نے بتایا کہ سعودی عرب میں 15 ہزار سے زائد پاکستانی موجود ہیں ،خصوصی پرواز چلانے کے لیے متعلقہ ملک کے سفیر سے رابطے ہوتے ہیں۔

معید یوسف نے کہا کہ متعلقہ ملک کے سفیر فیصلہ کرتے ہیں کون خصوصی پرواز کے ذریعے جا سکتے ہیں، وطن واپس آنے والے خواہشمند پاکستانی متعلقہ سفارتخانے کی فہرست میں اپنا نام رجسٹر کراوئیں۔

ان کا کہنا تھا کہ وطن واپس آنے والے مسافروں کو قرنطینہ میں رکھا جاتا ہے، پاکستانیوں کو شفاف طریقے سے وطن واپس لایا جا رہا ہے۔

انہوں نے کہا کہ مسافروں کو واپسی کےلیے پروٹوکول پرعمل درآمد کرنا ہو گا، دنیا بھر کے ہوائی اڈے اور پروازیں بند ہیں، ہمیں خصوصی پرواز کےلیے متعلقہ ملک سے بات کرنی ہوتی ہے۔

ان کا کہنا تھا کہ بہت سے ممالک ایسے ہیں جہاں پی آئی اے کو رسائی نہیں ،امریکہ کےلیے جلد پاکستانی خصوصی پرواز شروع ہوجائے گی۔