پاک افغان بارڈر باب دوستی چمن  کرونا وائرس کے پیش نظر  74 روز کی بندش کے بعد اج دوطرفہ  تجارت کیلئے ایس او پیز کے تحت کھلا رہا ۔

تفصیلات کے مطابق پاک افغان بارڈر74 روز کی بندش کے بعد آج کھولنے کے حوالے سے تجارتی سرگرمیوں کی بحالی کیلئے گزشتہ روز  وفاقی وزارت داخلہ نے نوٹیفکیشن جاری کیا  تھا۔

ذرائع کا کہنا ہے کہ پاک افغان باڈر ہفتے میں چھ دن کھلا رہے گا  جبکہ پاک افغان باڈر ہفتے کے دن ایس او پیز سے مشروط  صرف پیدل آمدوفت کیلئے کھلا رہے گا۔

ذرائع کا ،مزید کہنا ہے کہ مقامی لوگوں اور تاجر برادری نے حکومت کی جانب سے  پاک افغان باڈر  چمن باب دوستی ایس او پیز سے مشروط  کھولنے کے اقدام کو بےحد سراہا اور کہا کہ حکومت پاکستان کے اس اقدام سے مقامی لوگوں اور تاجر برادری کے معاشی حالات میں بہتری آئے گی۔

واضح رہے اس سے قبل وفاقی حکومت نے چمن اور طور خم بارڈر کو پورے ہفتے کھلا رکھنے کا فیصلہ کرلیا تھا اور وزارت داخلہ نے پاک افغان سرحد کھولنے سے متعلق نوٹیفیکیشن بھی جاری کیا تھا۔

حکومت کا پاک افغان بارڈر کھولنے کا فیصلہ

نوٹیفکیشن میں وزارت داخلہ کا کہنا  تھا کہ ہفتے میں چھ دن تجارتی ٹرکوں کی آمد و رفت کےلیے مختص ہوں گے جبکہ ہفتہ کا روز پیدل آنے جانے والوں کےلیے مختص ہوگا ۔

نوٹیفکیشن میں وزارت داخلہ کا یہ بھی کہنا تھا کہ بارڈرز کھولنے کا فیصلہ نیشنل کووارڈینیشن کمیٹی کے فیصلوں کے مطابق کیا گیا اور پاک افغان سرحد کھولنے سے متعلق سے متعلق ایف آئی اے، ایف سی کے پی، ایف سی بلوچستان کو آگاہ کردیا۔