وزیراعلیٰ سندھ سید مراد علی شاہ نے  عیدالفطر کے موقع پر قوم کے نام اہم پیغام دیا ہے۔

تفصیلات کے مطابق وزیر اعلیٰ سندھ نے عیدالفطر کے موقع پر قوم کے نام پیغام میں کہا کہ  آج عید کا دن ہے، میں  کورونا سے متعلوق رپورٹ جاری نہیں کرنا چاہتا تھا، لیکن   رپورٹ جاری کرنے کا مقصد عوام کو صورتحال سے آگاہ کرنا ہے تاکہ احتیاط ہوسکے۔

وزیر اعلیٰ سندھ نے کہا کہ  جو مریض انتقال کر گئے ہیں میں ان کے اہلخانہ کے دکھ میں برابر کا شریک ہوں۔ جو مریض زیر علاج ہیں ان کی صحت کے لیے دعاگو ہوں۔

مراد علی شاہ نے  طیارہ حادثے میں شہید ہونے والے خاندانوں کے غم میں برابر سے شریک ہوں ۔جو لوگ طیارہ حادثے میں بے گھر ہوئے ہیں مجھے ان کی تکلیف کا احساس بھی ہے۔

انہوں نے کہا کہ   اللہ پاک ہم سب پر رحم فرمائے اور ان تمام تکالیف سے نجات دلائے۔

وزیر اعلیٰ سندھ نے قوم کو عید کی مبارک باد  بھی پیش کی  اور کورونا وائرس کی صورتحال میں احتیاط برتنے کی بھی ہدایت کی۔

مراد علی شاہ نے سندھ میں کورونا وائرس کی صورتحال  سے متعلق بتایا کہ گذشتہ 24گھنٹوں میں کل 3547ٹیسٹ کیے گئے ہیں  جس  کے  نتیجے میں 846 کورونا وائرس کے نئے کیسز سامنے آئے ہیں۔

انہوں نے کہا کہ کیے گئے ٹیسٹوں سے 846 کیسز پتہ چلے جوکہ مجموعی تعداد کا 24 فیصد بنتا ہے۔24 فیصد کیسز کا مثبت آنا اب تک کی بڑی شرح ہے اور  کیسز کا بڑھنا ہماری بے احتیاطی کا نتیجہ ہے۔

وزیراعلیٰ سندھ نے کہا کہ  گذشتہ 24 گھنٹوں میں 13 مزید مریض انتقال کرگئے ہیں  جبکہ   156 مریضوں کی حالت تشویش ناک ہےجن میں سے 34 مریض وینٹی لیٹرز پر ہیں۔

مراد علی شاہ نے بتایا کہ 146 مریض صحتیاب ہوکر گھروں کو چلے گئے ہیں جبکہ 22491 مریض اس وقت زیر علاج ہیں۔