نیشنل ڈیزاسٹر مینجمنٹ اتھارٹی کے چیئرمین لیفٹیننٹ جنرل محمد افضل نے کہا ہے کہ چین سے جہاز 17ٹن طبی آلات اور حفاظتی سامان لیکر پاکستان پہنچ گیا ہے۔

تفصیلات کے مطابق نیشنل ڈیزاسٹر مینجمنٹ اتھارٹی کے چیئرمین لیفٹیننٹ جنرل محمد افضل نے کہا ہے کہ چین سے جہاز سے اسلام آباد لائے گئے طبی آلات اور حفاظتی سامان کی یہ چھٹی کھیپ ہے۔

 ترجمان این ڈی ایم اے  نے یہ بھی کہا کہ اسلام آباد آنے والے جہاز میں 24 ایکسرے مشین اور ان کے پارٹس شامل ہیں جبکہ سامان میں ٹیسٹنگ کے لیے 3لاکھ 71ہزار VTMبھی لائے گئے ہیں

امداد بھیجنے کا سلسلہ جاری، 5واں جہاز چین سے کراچی پہنچ گیا

نیشنل ڈیزاسٹر مینجمنٹ اتھارٹی کے چیئرمین لیفٹیننٹ جنرل محمد افضل نے مزید کہا کہ چین سے خریدے گئے سامان کی بذریعہ پی آئی اے پاکستان منتقلی کا سلسلہ جاری ہے اس کے علاوہ مختلف اقسام کے تقریبا دس لاکھ ماسک بھی بیجنگ سے اسلام آباد لائے گئے۔

واضح رہے اس سے قبل چین کی جانب سے بھیجا گیا امدادی سامان وصول کرنے کے بعد گفتگو کرتے ہوئے نیشنل ڈیزاسٹر مینجمنٹ اتھارٹی کے چیئرمین لیفٹیننٹ جنرل محمد افضل نے کہا تھا ہم مشکل کی اس گھڑی میں چین کے تعاون پر پاکستان کی حکومت اور عوام کی جانب سے شکریہ ادا کرتے ہیں، چین نے کورونا وائرس کے پیش نظر اس آزمائش میں بھی پاکستان کا سچا دوست ہونے کا ثبوت دیا ہے۔

ترجمان این ڈی ایم اے محمد افضل نے یہ بھی کہا  تھا کہ کے کورونا وائرس کے پھیلاؤکو روکنے اور تدارک کامشن بھرپور طریقے سے جاری ہے، اس سلسلے میں چین پاکستان کے ساتھ بھرپور تعاون کر رہا ہے ، اس مقصد کیلئے چین سے امدادی سامان کا ایک اور جہاز اسلام آباد پہنچ گیا ہے۔