وزیر اعلیٰ خیبر پختونخوا محمود خان نے کہا ہے کہ ضم شدہ اضلاع کی تیز رفتار ترقی موجودہ حکومت کی اولین ترجیح ہے۔

تفصیلات کے مطابق وزیر اعلیٰ خیبر پختونخوا محمود خان کی زیر صدارت ضم شدہ اضلاع کے ممبران صوبائی و قومی اسمبلی کا مشاورتی اجلاس ہوا ، جس میں ضم شدہ اضلاع کے لئے نئے مالی سال کے سالانہ ترقیاتی پروگرام پر مشاورت کی گئی۔

وزیر اعلیٰ خیبر پختونخوا نےئ اجلاس کی صدارت کرتے ہوئے کہا کہ ضم شدہ اضلاع کی ترقیاتی منصوبوں پر عملدرآمد کی خود نگرانی کر رہا ہوں، ان ترقیاتی منصوبوں کی بروقت تکمیل میں کوئی سمجھوتہ نہیں کیا جائے گا، ۔

محمود خان نے یہ بھی کہا کہ وزیر اعظم عمران خان کے وژن کے مطابق ضم شدہ اضلاع کی پائیدار ترقی کے لئے ٹھوس اقدامات اٹھائے جا ریے ہیں جبکہ ضم شدہ اضلاع کے تمام ترقیاتی منصوبے وہاں کے منتخب عوامی نمائندوں کی مشاورت سے شروع کئے جائیں گے۔

ہمارا اولین مقصد لوگوں کی جانوں کا تحفظ ہے، محمود خان

وزیر اعلیٰ خیبر پختونخوا کا کہنا تھا کہ وزیر اعظم عمران خان کی وژنری قیادت میں سابقہ قبائلی علاقوں کی انضمام کا عمل خوش اسلوبی سے مکمل کر لیاگیا ہے، قبائلی اضلاع کے عوام بہت جلد انضمام  کے ثمرات سے مستفید ہونگے۔

اپنے بیان میں محمود خان کا یہ بھی کہنا تھا کہ قبائلی اظلاع کے عوام کی محرومیوں کا ازالہ کرنے کے لئے وسائل کی کمی کو آڑے نہیں آنے دیا جائے گا۔

  وزیر اعلیٰ خیبر پختونخوا محمود خان کا مزید کہنا تھا کہ قبائلی اضلاع کی ترقی کے لئے وہاں کے عوام اور منتخب  نمائندوں سے مشاورت کا سلسلہ آئیندہ بھی جاری رہے گا جبکہ منتخب نمائندوں کی طرف سے نشاندہی کردہ منصوبوں کو ہی سالانہ ترقیاتی پروگرام میں شامل کیا جائے گا ۔

 اجلاس میں وفاقی وزیر نورالحق قادری کے علاوہ ضم شدہ اضلاع کے تمام ممبران قومی و صوبائی اسمبلی نے بھی  شرکت کی ۔