وزیرخارجہ مخدوم  شاہ محمود قریشی نے کہا ہے کہ کورونا عالمی وبائی چیلنج نے دنیا کو یکسر تبدیل کر کے رکھ دیا ہے۔

تفصیلات کے مطابق وزارت خارجہ کو جدید خطوط پر استوار کرنے اور ٹیکنالوجی کے استعمال کو فروغ دینے کے لیے وزیر خارجہ شاہ محمود قریشی نے ٹیلی کام کمپنیوں کے اعلیٰ حکام سے خصوصی نشست ہوئی جس میں جدید ٹیکنالوجی کے استعمال کو فروغ دینے سے متعلق مشاورت کی گئی۔

اس موقع پر وزیرخارجہ مخدوم  شاہ محمود قریشی نے وزارت خارجہ کو جدید خطوط پر استوار کرنے اور ٹیکنالوجی کے استعمال کو فروغ دینے کے حوالے سے، ٹیلی کام کمپنیوں کے نمائندگان کی طرف سے سامنے آنے والی گرانقدر آراء کو سراہتے ہوئے وزارت خارجہ آمد پر ان کا شکریہ ادا کیا۔

حکومت کسانوں کو درپیش مسائل کے حل کیلئے اقدامات کر رہی ہے ، وزیرخارجہ

شاہ محمود قریشی نے کہا کہ آج دنیا بھر میں تمام اہم اجلاس ویڈیو لنک اور جدید ٹیکنالوجی کو بروئے کار لاتے ہوئے منعقد کیے جا رہے ہیں ، اس وبا کے مضمرات کو سامنے رکھتے ہوئے، ہمیں اپنی آئندہ کی حکمت عملی اور لائحہ ء عمل کو وضع کرنا ہو گا۔

وزیرخارجہ مخدوم  شاہ محمود قریشی نے یہ بھی کہا کہ ہمیں وبا کے مضمرات سامنے رکھتے ہوئے اپنی آئندہ کی حکمت عملی وضع کرنا ہوگی اور ، اس تیزی سے بدلتی ہوئی دنیا میں، آگے بڑھنے کیلئے ہمیں اپنے امور کی انجام دہی میں جدید ٹیکنالوجی کو بروئے کار لانا ہو گا۔