پاک سر زمین پارٹی کے سربراہ مصطفیٰ کمال نے کہا ہے کہ بانی ایم کیو ایم نے نسلوں کی نسلیں تباہ کردی ہیں۔

تفصیلات کے مطابق پاک سر زمین پارٹی (پی ایس پی) کے سربراہ مصطفیٰ کمال نے کراچی میں پریس کانفرنس کرتے ہوئے کہا کہ بانی ایم کیو ایم کو صرف خون چاہیے کیونکہ راء اسے خون بہانے کے پیسے دیتی ہے، ہم نے بانی ایم کیو ایم  نے نسلوں کی نسلیں تباہ کردی ہیں، مصطفیٰ کمال کے خلاف بغاوت اسی لیے کی کہ ہمیں ان حقائق کا ادراک ہو چکا تھا۔

پاک سر زمین پارٹی کے سربراہ نے کہا کہ ہمیں بانی ایم کیو ایم کے ساتھ رہنے کا دنیاوی فائدہ تھا، ہم نے اللّٰہ تعالیٰ کے خوف سے بانی ایم کیو ایم سے دوری اختیار کی، کہ ہمارے قول و فعل میں اب تک کوئی تضاد نہیں، ہمیں مہاجروں کا غدار کہا گیا، اب ایک بھی لاش نہیں آ رہی، ایسی غداری قبول ہے۔

مصطفیٰ کمال نے یہ بھی کہا کہ پیپلز پارٹی کی متعصب حکومت اندرونِ سندھ سے بھی مخلص نہیں، یہاں حالات ایسے نہیں تھے، انہوں نے کراچی کو بھی لاڑکانہ بنا دیا ہے۔

پاک سر زمین پارٹی کے سربراہ کا کہنا تھا کہ بانی ایم کیو ایم کی پارٹی کا نشان اور جھنڈا انکی پارٹی کا نشان اور جھنڈا ہے، بانی ایم کیو ایم  دہشتگردی کے ذریعے دوبارہ زندہ ہونا چاہتا ہے۔

پی ایس پی سندھ کو تقسیم نہیں ہونے دے گی، مصطفیٰ کمال

مصطفیٰ کمال کا یہ بھی کہنا تھا کہ کچھ ناعاقبت اندیش لوگوں نے بانی ایم کیو ایم  کے خاتمے کے بعد ایم کیو ایم پاکستان بنالی اور یہ سب لوگ ان کے آگے ہیرو بنتے ہیں کہ ہم نے آپ کی پارٹی بچالی۔

پاک سر زمین پارٹی (پی ایس پی) کے سربراہ مصطفیٰ کمال کا مزید کہنا تھا کہ بانی ایم کیو ایم کے زندہ ہونے میں تین عوامل ہیں جبکہ دوسرا اہم عمل جو بانی ایم کیو ایم کو زندہ رکھ رہا ہے وہ یہ کہ کراچی کو پی ٹی آئی کی گود میں ڈال دیا گیا۔