پاکستان پیپلز پارٹی (پی پی پی) کے سینیٹر رحمان ملک نے کہا ہے کہ پاکستان آرمی ہماری آرمی ہے جو ہماری حفاظت کرتی ہے۔

پاکستان پیپلز پارٹی (پی پی پی) کے سینیٹر رحمان ملک نے پارلیمنٹ ہاؤس میں میڈیا سے گفتگو کرتے ہوئے کہا کہ پاکستان آرمی ہماری محافظ ہے جیالے کسی کے کہنے پر غلط ٹویٹ نہ کرے، کوئی بھی کسی قسم کا کوئی ٹویٹ اور سوشل میڈیا پوسٹ نہ کرے جو پاک آرمی کے خلاف ہو۔

سینیٹر رحمان ملک نے کہا کہ میں پہلے سے پاکستان کیخلاف سازشوں سے واقف ہوں، پارٹی کارکنان سے اپیل کرونگا کہ کسی کے دھوکے اور سازش میں بالکل نہ آئے ، جیالے متحد رہے اورکسی سازش کا حصہ نہ بنے۔

پاکستان پیپلز پارٹی (پی پی پی) کے سینیٹر نے کہا میں اپنے پارٹی اور اپنے پارٹی کے جیالوں کا بہت شکرگزار ہوں جنہوں نے ہر مشکل میں میرا ساتھ دیا، ایجنٹوں کے ذریعے پاکستان کو کمزور اور غیرمستحکم کرنے کی ہر سازش کیجا رہی ہے۔

رحمان ملک نے یہ بھی کہا کہ میری پوری عوام سے گزارش ہے کہ دشمن کے نرغے میں نہ آئے اور متحد رہے، ہم نے پاکستان کیلئے لڑنا ہے اور کسی کی جرات نہیں کہ پاکستان کیطرف میلی انکھ سے دیکھے۔

پاکستان پیپلز پارٹی (پی پی پی) کے سینیٹر کا کہنا تھا کہ میں بہت جلد بہت سے سازشوں سے پردہ اٹھاونگا اور عوام کے سامنے حقائق رکھونگا، مجھ پرلگے ہوئے الزامات کیخلاف میں کورٹ میں گیا ہوں اور کسی لغو کا جواب نہیں دونگا۔

رحمان ملک کا امریکی شہری سینتھیا رچی کے الزامات پر رد عمل

انھوں نے کہا کہ سارے ٹی وی چینلز سے درخواست ہے کہ کردار کشی پر مبنی انٹرویوز اور خبریں نہ چلائیں، ٹی وی چینلز کسی کے سازش کا حصہ نہ بنے اور کردار کشی کی حوصلہ شکنی کرے۔

رحمان ملک نے یہ بھی کہا کہ میں پیمرا اور سارے ٹی وی چینلز کو خط بھی لکھ رہا ہوں کہ جب تک الزامات ثابت نہیں ہوتے تو الزامات کو اتنا نہ اچھالے۔

پاکستان پیپلز پارٹی (پی پی پی) کے سینیٹر رحمان ملک نے مزید کہا کہ میرا میڈیا ٹرائیل نہ کیا جائے کہ ہم سب میڈیا ٹرائیل کے خلاف ہیں، میں اپنے ساتھ زیادتیوں کیخلاف لڑنا خوب جانتا ہوں پہلے بھی لڑا ہوں اور اب بھی لڑونگا۔