یو اے ای کی مختلف ایرلائنز میں کام کرنے والے پاکستانی پائلٹس اور فلائٹ آپریشن افسران کے لیے خطرے کی گھنٹی بج گئی۔

تفصیلات کے مطابق جعلی لائسنس اسکینڈل کا معاملے پر یو اے ای سول ایوی ایشن اتھارٹی نے پاکستانی پائلٹس کے لائسنس کی تصدیق کے لیے خط لکھ دیا۔

ذرائع کا کہنا ہے کہ یواے ای سی اے اے نے 50 پاکستانی پائلٹس اور چار فلائٹ آپریشن افسران کے لائسنس کی تصدیق کے لیے فہرست ڈی جی سی اے اے پاکستان کو بھیج دی ہے۔

یاد رہے اس سے قبل پاکستان میں پائلٹس کے جعلی لائسنس اسکینڈل پر بھارتی لابی نے پاکستان کے خلاف کام کرنا شروع کردیا تھا۔

پاکستانی پائلٹس کے جعلی لائسنس کے انکاشافات کے بعد پاکستان کے پائلٹس پر دنیا کی بڑی ایئرلائنز میں ملازمتیں خطرے میں ہیں۔

پی آئی اے نے مشتبہ لائسنس پر 141 پائلٹس گراونڈ کردیے

ذرائع کا کہنا تھا کہ بھارتی لابی، یورپی یونین، امریکا میں پاکستان کی قومی ایئرلائن کی انٹری بند کرانے پر بھی کام کر رہی ہے جبکہ انٹرنیشنل سول ایوی ایشن آرگنائزیشن بھی پاکستان پر ایوی ایشن سے متعلق مختلف اقدامات کر سکتی ہے۔

ذرائع نے بتایا تھا کہ کویت ایئر لائن سے 7 پاکستانی پائلٹس کو گراؤنڈ کرانے اور 56 پاکستانی فلائٹ انجینئرز کو معطل کرانے میں بھارتی لابی کا ہاتھ ہے۔