ترک وزارت خارجہ نے کراچی میں پاکستان اسٹاک ایکسچینج کی عمارت پر دہشتگردوں کے حملے کی شدید الفاظ میں مذمت کی ہے۔

تفصیلات کے مطابق کراچی دہشت گردی حملے پر ترک وزارت خارجہ نے باقائدہ بیان جاری کر کرتے ہوئے کہا کہ آج صبح کراچی میں پاکستان سٹاک ایکسچینج بلڈنگ پر تباہ کن حملےکا سن کر انتہائی افسوس ہوا ہم اس گھناؤنے دہشت گرد حملے  کی سختی سے مذمت کرتے ہیں۔

ترک وزارت خارجہ کے ترجمان کے مطابق بیان میں کہا گیا ہے کہ ہم اس گھناؤنے دہشت گرد حملے میں جانیں گنوانے والوں پر اللہ تعالی کی رحمت کی دعا کرتے ہیں۔

 ترجمان ترک وزارت خارجہ نے مزید کہا کہ ہم زخمیوں کی جلد صحت یابی کے لیے دعاگو ہیں ہم پاکستان کی دوست حکومت اور برادر عوام کو اپنی تعزیت پیش کرتے ہیں۔

واضح رہے کہ آج صبح کراچی میں واقع پاکستان اسٹاک ایکسچینج کی عمارت پہ چار مسلح دہشتگردوں نے حملہ کیا تھا، فورسز کی جوابی کارروائی میں چاروں دہشتگرد مارے گئے تھے۔

پولیس کے مطابق صبح 10 بجے کے قریب 4 دہشتگردوں نے اسٹاک ایکسچینج کے گیٹ پر پہلے دستی بم حملہ کیا اور پھر اندھا دھند فائرنگ  شروع کردی تھی ۔

پاکستان اسٹاک ایکسچینج پر دہشتگردوں کا حملہ ناکام ، 4 دہشتگرد ہلاک

ڈی جی رینجرز سندھ میجر جنرل عمر بخاری نے پریس کانفرنس میں بتایا کہ اسٹاک ایکسینج پر حملہ کرنے والے دہشتگردوں  کو آٹھ منٹ کی کارروائی میں ہلاک کردیا گیا۔

ڈی جی رینجرز سندھ نے بتایا کہ  صبح 10 بجکر 2 منٹ پر گاڑی میں سوار دہشت گرد پہنچے تھے جبکہ  واقعے کا اختتام 10 بجکر 10 منٹ پر ہوگیا تھا۔

میجر جنرل عمر بخاری نے کہا کہ  آٹھ منٹ میں دہشت گردوں کا مقابلہ کرکے انہیں مار دیا گیا۔ دہشت گردوں کو احداف حاصل نہیں کرنے دیے گئے۔