آرمی چیف جنرل قمرجاوید باجوہ سے چینی فوج کی میڈیکل ٹیم نے ملاقات کی۔

ملاقات میں کورونا وبا سے نمٹنے سے متعلق امور پر تبادلہ خیال کیا گیا جبکہ پاک چین تعلقات،انسدادکوروناوائرس اقدامات پربات چیت کی گئی۔

ترجمان آئی ایس پی آر کا کہنا ہے کہ آرمی چیف جنرل قمرجاوید باجوہ سے ملاقات میں چینی میڈیکل ٹیم کی قیادت میجر جنرل ژھونی کررہے ہیں۔

A ten member People’s Liberation Army (PLA) Medical Team led by Major General Doctor Zhou Feihu, Chief of ICU Department, PLA General Hospital, called on General Qamar Javed Bajwa, COAS, today. During the interaction, matters related to COVID containment and Pakistan’s… (1/3) pic.twitter.com/1wB1jNsjkL

Advertisement

— DG ISPR (@OfficialDGISPR) June 23, 2020

اس موقع پر آرمی چیف جنرل قمر جاوید باجوہ نے کہا کہ دنیا کوویڈ 19 کے علاج معالجہ کےلئے ابھی بھی کوششیں کر رہی ہے، اس بیماری سے نمٹنے کےلئے قومی کوششوں اور اس کے معاشی اثرات کو کم کرنے کےلئے کثیر القومی اور عالمی تعاون بہت ضروری ہے۔

واضح رہے گزشتہ روز آرمی چیف جنرل قمرجاوید باجوہ نے نیوی وار کالج لاہور کا دورہ کیا تھا ، نیوی وار کالج آمد پر کمانڈنٹ ریئر ایڈمرل محمد زبیر شفیق نے آرمی چیف کا استقبال کیا تھا۔

نیوی وار کالج پاک بحریہ کا قابل فخر ادارہ ہے، آرمی چیف

اس موقع پر آرمی چیف جنرل قمر جاوید باجوہ نے 49ویں نیول اسٹاف کورس اور فیکلٹی ممبران سے خطاب کرتے ہوئے کہا تھا کہ نیوی وارکالج پاک بحریہ کا معتبر ادارہ ہے، جہاں پاکستان آرمڈ فورسز اور دوست ممالک کے افسران کو اہم کمانڈ اور اسٹاف کی تقرریوں کے بارے میں تربیت دی جاتی ہے۔

آرمی چیف جنرل قمر جاوید باجوہ نے مزید کہا تھا کہ پاک بحریہ مادر وطن کی سمندری سرحدوں کی حفاظت کے لیئے قوم کی توقعات پر ہمیشہ پورا اتری جبکہ کہ پاک بحریہ زبردست طاقت کی حیثیت سے بہادری اور قربانیوں کی قابل فخر تاریخ کے ساتھ ہمیشہ مادر وطن کے سمندری محاذوں کا دفاع کرنے میں قوم کی توقعات پر ہمیشہ قائم ہے۔