وزیراعلیٰ بلوچستان جام کمال نے کہا ہے کہ بیرون ممالک پھنسے پاکستانی مزدور پیشہ ہونے کی وجہ سے انتہائ مشکل حالات کا شکار ہیں۔

تفصیلات کے مطابق وزیراعلئ بلوچستان جام کمال خان کی جانب سے وفاقی حکومت سے اپیل بیرون ملک میں پھنے پاکستانیوں کی مدد کے لئے اپیل کی گئی ہے جس مین انہوں نے وزیراعظم کے مشیر براۓ سمندر پار پاکستانی ز لفی بخاری کے نام مراسلہ لکھا ہے۔

مراسلے میں جام کمال کی جانب سے زلفی بخری سے کہا گیا ہے کہ حکومت کی جانب سے سمندرپار پھنسے بلوچستان سے تعلق رکھنے والے پاکستانیوں کی وطن واپسی کے لیۓ خصوصی اقدامات کیۓ جائیں۔

انہوں نے کہا کہ بیرون ممالک مقیم پاکستانیوں کی وطن واپسی کے حکومتی اقدامات کے باوجود ایک محتاط اندازے کے مطابق ابھی بھی 20000 پاکستانی وطن واپسی کے منتظر ہیں جبکہ بلوچستان سے تعلق رکھنے والے تقریبا 2000 پاکستانی عرب امارات اور دیگر ممالک میں حکومتی معاونت کے منتظر ہیں ۔

بیرون ملک پھنسے پاکستانیوں کی واپسی کا عمل تیز

وزیراعلئ  نے بتایا کہ بیرون ممالک پھنسے پاکستانی مزدور پیشہ ہونے کی وجہ سے انتہائ مشکل حالات کا شکار ہیں اور گزشتہ کئ برسوں سے ملک کی معیشت میں ریڑھ کی ہڈی کا کردار ادا کرنے والے سمندر پار پاکستانی اس وقت صحت اور معاشی مسائل کا سامنا کر رہے ہیں۔

وزیراعلئ بلوچستان کا کہنا تھا کہ سمندر پار مقیم بلوچستان سے تعلق رکھنے والے پاکستانی واپسی کے لیۓ کئ مرتبہ حکومت سے اپیل کر چکے ہیں اور کہا ہے کہ وفاقی حکومت انسانی ہمدردی کی بنیاد پر پھنسے ہوۓ سمندر پار پاکستانیوں کی واپسی کے لیۓ فوری طور پر پی آئی اے کی خصوصی پروازوں کا انتظام کرے۔

وزیراعلئ بلوچستان نے وفق کو مراسلے کے ذریعے یقین دہانی کرائی ہے کہ صوبائی حکومت وطن واپس پہنچنے والے بلوچستان کے لو گوں کو تمام ضروری سہولتیں فراہم کریگی۔

دوسری جانب وزیراعظم کے معاون خصوصی معید یوسف نے سماجی رابے پر اپنے ایک پیغام میں کہا ہے کہ وزیراعظم کی ہدایت پر بیرون ملک پھنسے پاکستانیوں کی واپسی کا عمل تیز کررہے ہیں۔

انہوں نے بتایا کہ مسافروں کی ٹیسٹنگ کا عمل بھی بڑھا رہے ہیں اور حکومت کی جانب سے 10 جون تک 20 ہزار پاکستانیوں کی واپسی کا ہدف ہے۔