گورنرسندھ عمران اسماعیل نے کورونا کے مریضوں کے لئے اپنا پلازما عطیہ کردیا۔

تفصیلات کے مطابق کورونا سے صحتیاب ہونے والے گورنرسندھ عمران اسماعیل نے کورونا مریضوں کے لئے اپنا پلازما عطیہ کر دیا، نیشنل انسٹیٹوٹ آف بلڈ ڈیزیزز کے سربراہ ڈاکٹر طاہر شمسی نے اس عمل کی نگرانی کی۔

عمران اسماعیل  نے کہا کہ کورونا کے مریضوں کو اس سے صحت یاب افراد کا پلازما لگانے کے حوصلہ افزاء نتائج برآمد ہوئے ہیں ، کورونا سے صحت یاب افراد اپنا پلازما ضرور عطیہ کریں ۔

گورنر سندھ عمران اسماعیل  نے مزید کہا کہ ڈاکٹر طاہر شمسی اس طریقہ علاج کے لئے مبارکباد کے مستحق ہیں  جبکہ کورونا سے بچاؤ کے لئے احتیاطی تدابیر پر عمل کرنا ہر فرد کی ذمہ داری ہے اور ہمیں کورونا کے ساتھ جینا سیکھنا ہوگا

اس مو قع پر ڈاکٹر طاہر شمسی نے  کہا کہ پلازما لگائے جانے والے کورونا کے 80 فیصد مریض وینٹیلیٹر پر جانے سے محفوظ رہتے ہیں

ڈاکٹر طاہر شمسی نے یہ بھی کہا کہ ایک صحت مند فرد کا پلازما دو مریضوں کو لگایا جاسکتا ہے جبکہ دنیا کے کئی ممالک میں بھی پیسو ایمیونائزیشن کو کورونا کے مریضوں پر استعمال کیا جارہا ہے ۔

یاد رہے کہ گورنر سندھ نے کورونا وائرس باعث 17 دن قرنطینیہ میں گذارے تھے اور کورونا سے صحت یابی کے بعد گورنر سندھ نے پلازما عطیہ کرنے کا اعلان کیا تھا۔

پیسو امیونائیزیشن کیلئے پلازمہ عطیہ کرنے کی اپیل

واضح رہے کہ سندھ حکومت نے اس سے قبل صوبےکےتین ہسپتالوں کواجازت دی تھی کہ وہ کوروناوائرس کا شکارہونےوالے مریضوں میں اسی بیماری سےصحتیاب ہونےوالےمریضوں کےخون سےپلازما منتقل کریں تاکہ اس طریقےکےعلاج کاجائزہ لیا جا سکے۔

سربراہ این آئی بی ڈی ڈاکٹرطاہرشمسی کا کہنا تھا کہ معاہدے کےتحت جناح اسپتال میں زیرعلاج ضرورت مند مریض کوپلازمہ دیاجائے گا۔

ڈاکٹرشمسی نے بتایا تھا کہ سندھ میں اب تک 2 مریضوں کوپلازمہ لگایاجاچکاہے،جن میں سےایک مریض کاتعلق کراچی جبکہ  دوسرےکاجامشوروسےہے۔