لیاری کھڈا مارکیٹ رہائشی عمارت گرنے کے مقام پر ملبے میں زندہ ملنے والا شخص دوران علاج دم توڑ  گیا۔

تفصیلات کے مطابق لیاری کھڈا مارکیٹ رہائشی عمارت گرنے کے مقام پر ملبے سے ایک شخص کو زندہ نکال کر  سول اسپتال منتقل کردیا گیا تھا جہاں وہ دوران علاج دم توڑ گیا۔

لیاری کھڈا مارکیٹ گلستان کالونی کے مقام سے گرنے والی عمارت کے ملبے میں سے لاشوں اور زخمیوں کو نکالنے کیلئے ریسکیو آپریشن 27گھنٹےبعد بھی تاحال جاری ہے جبکہ علاقہ مکینوں کا شکوہ ہے کہ ریسکیو آپریشن سست روی کا شکار ہے۔

ذرائع کا کہنا ہے کہ لیاری کھڈا مارکیٹ نیا آباد حادثہ میں 24 گھنٹے کے بعد ریسکیوں ٹیموں نے مزید ایک بچے کی لاش نکال لی گئی جس کے بعد حادثے کے مقام پر سے برأمد شدہ لاشوں کی مجموعی تعداد سات 8 ہوگٸی ہیں۔

یاد رہے اس سے قبل لیاری میں کھڈا مارکیٹ کے قریب رہائشی عمار ت گر گئی تھی۔

 سندھ رینجرز کا کہنا تھا کہ لیاری میں کھڈا مارکیٹ کے قریب رہائشی عمارت  گر نے سے  ایک شخص جاں بحق، متعدد زخمی ہوئے جبکہ کئی افراد کے ملبے میں دبے ہونے کا خدشہ بھی ہے ۔

سندھ رینجرز کا یہ بھی کہنا تھا کہ نیا آباد گلی نمبر چار میں عمارت گرنے کا حادثہ پیش آیا ہے۔ عمارت گرنے کی اطلاع ملتے ہی امدادی اداروں کے رضاکاروں اور رینجرز سمیت علاقہ پولیس کی بھاری نفری جائے وقوع پر پہنچی اورامدادی سرگرمیوں میں حصہ لینا شروع کردیا۔

لیاری میں رہائشی عمارت گر گئی

 سندھ رینجرز  نے کہا تھا کہ گنجان آبادی اور تنگ راستے ہونے کی وجہ سے امدادی کارروائیوں میں مشکلات درپیش ہیں، ملبہ ہٹانے کے لیے بھاری مشینری درکار ہے تاہم تنگ راستوں کے باعث مشینری کے جائے حادثہ پر پہنچنے میں دشواری پیش آرہی ہے۔

سندھ رینجرز نے مزید کہا تھا کہ جاں بحق شخص کو پوسٹ مارٹم کے لیے اسپتال منتقل کردیا گیا ہے جب کہ زخمیوں کو طبی امداد کے لیے سول اسپتال میں داخل کیا گیا ہے۔