چیئرمین پاکستان پیپلزپارٹی بلاول بھٹو زرداری نے کہا کہ عمران خان وکٹ کے دونوں طرف کھیلنے کی کوشش کرتے ہیں۔

تفصیلات کے مطابق چیئرمین پاکستان پیپلزپارٹی بلاول بھٹو زرداری نے سماجی رابطے کی ویب سائٹ ٹویٹر پر اپنے ایک پیغام میں کہا کہ عمران خان کی حالت چور سے کہیں چوری کر اور شاہ سے کہیں تیرا گھر لٹا کے بمصداق ہے۔

PM IK calling OBL a martyr in NA is consistent with his history of appeasement to violent extremism. It is during his govt that those involved in APS attack “escaped” & those involved in Daniel Pearls murder get relief. Running with the hare & hunting with the hound.

— BilawalBhuttoZardari (@BBhuttoZardari) June 25, 2020

اپنے پیغام میں بلاول بھٹو زرداری نے کہا کہ وزیراعظم کا اسامہ بن لادن کو شہید کہنا دراصل ان کی انتہاپسندی کے جانب مستقل جھکاؤ کا ایک حصہ ہے۔

چیئرمین پاکستان پیپلزپارٹی بلاول بھٹو زرداری نے مزید کہا کہ عمران خان کی حکومت میں جو لوگ ڈینئل پرل کے قتل میں شامل تھے، انہیں رعایت مل گئی جبکہ عمران خان کی حکومت میں جو لوگ آرمی پبلک اسکول کے سانحے میں شامل تھے، وہ فرار ہوگئے

یاد رہے اس سے قبل چیئرمین پاکستان پیپلزپارٹی بلاول بھٹو زرداری سے پاکستان میں مقیم افغان سفیر عاطف مشال نے زرداری ہاﺅس اسلام آباد میں ملاقات کی تھی جس میں چیئرمین پیپلزپارٹی اور افغان سفیر کے درمیان باہمی دلچسپی اور دونوں ممالک کے تعلقات پر بات چیت ہوئی۔

سلیکٹڈ وزیراعظم کے دن گنے جا چکے ہیں، ترجمان بلاول بھٹو زرداری

افغان سفیر سے گفتگو کرتے ہوئے بلاول بھٹو زرداری نے کہا تھا کہ پاکستان پیپلزپارٹی کی ہمیشہ پالیسی رہی ہے کہ جمہوری، مضبوط اور پر امن افغانستان خطے میں امن اور ہم آہنگی ہو۔

 چیئرمین پاکستان پیپلزپارٹی بلاول بھٹو زرداری نے مزید کہا تھا کہ دونوں ممالک کے درمیان مزید تعاون سے امن ، ترقی اور استحکام آئے گا۔