پاکستان پیپلزپارٹی کی مرکزی رہنما اور رکن قومی اسمبلی ڈاکٹر نفیسہ شاہ نے کہا ہے کہ موجودہ حکومت ملک کو تباہی کی طرف لے کر جارہی ہے۔

تفصیلات کے مطابق پاکستان پیپلزپارٹی کی مرکزی رہنما اور رکن قومی اسمبلی ڈاکٹر نفیسہ شاہ نے بول نیوز سے خصوصی گفتگو کرتے ہوئے کہا کہ غریب عوام کو مزید امتحان میں ڈالا جارہا ہے ، ہم اس چیز کی مذمت کرتے ہیں۔

اپنے بیان میں رکن قومی اسمبلی ڈاکٹر نفیسہ شاہ نے کہا کہ عوام سے ٹیکس اتنا لیا جارہا ہے تو پیٹرول کی قیمتوں میں کمی کرنی چاہیے۔

پاکستان پیپلزپارٹی کی مرکزی رہنما اور رکن قومی اسمبلی ڈاکٹر نفیسہ شاہ نے مزید کہا کہ ایک طرف تو خود خان صاحب معیشت کا رونا روتے ہیں اور دوسری طرف وزیراعظم  نے ایسا کام کیا جس سے ملک کی معیشت مزید متاثر ہوگی۔

یاد رہے اس سے قبل کورونا کی وجہ سے معاشی مسائل سے دوچار عوام کیلئے بری خبر ہے کہ وزیراعظم عمران خان کی منظوری کے بعد پیٹرولیم مصنوعات کی قیمتوں میں 25 روپے فی لیٹر تک اضافہ کردیا گیا ہے۔

پیٹرولیم مصنوعات کی قیمتوں میں اضافے کے حوالے سے اعلامیہ جاری کردیا گیا ہے جس کے مطابق پیٹرول کی نئی قیمت 100 روپے 10 پیسے مقرر کردی گئی ہے۔

وزیراعظم کا ڈبلیو ایچ او کی تجاویز کو نظرانداز کرنا قابل مذمت ہے، نفیسہ شاہ

وزارت خزانہ کے اعلامیہ کے مطابق ہائی اسپیڈ ڈیزل اب عوام کو 101روہے 46 پیسے فی لیٹر دستیاب ہوگا جبکہ مٹی کا تیل 59 روپے 6 پیسے کا ہوگیا اور لائٹ ڈیزل کی 59 روپے 58 پیسے کا دستیاب ہوگا۔

خیال رہے کہ کورونا وائرس کی وجہ سے عالمی منڈی میں تیل کی کھپت کم ہونے سے قیمتیں تاریخ کی کم تریں سطح پر پہنچ گئی تھیں جس کے بعد پاکستان میں بھی پیٹرولیم مصنوعات کی قیمتوں میں بڑی کمی کی گئی تھی۔