آرمی چیف جنرل قمر جاوید باجوہ اور بل گیٹس کے درمیان ٹیلی فونک رابطہ ہوا ہے ۔

پاک فوج کے شعبہ تعلقات عامہ (آئی ایس پی آر) کے مطابق آرمی چیف جنرل قمر جاوید باجوہ اور بل گیٹس کے درمیان ٹیلی فونک رابطہ انسداد مہم پولیو کے حوالے سے ہوا ہے جس میں بل گیٹس نے انسداد پولیو مہم میں سیکیورٹی، نگرانی اور استعداد کار بڑھانے میں پاک فوج کی مدد کو سراہا ہے۔

ڈی جی آئی ایس پی آر کا کہنا تھا کہ آرمی چیف اور بل گیٹس نے حالیہ اور مستقبل میں وباء کے چیلنجز پر بھی بات کی ہے جبکہ ایجوکیشن کے ذریعے آبادی کو خطرات کے مقابلے کے لیئے تیار کرنے کی کوششوں پر بات چیت کی گئی ہے۔

بل گیٹس سے رابطے کے دوران آرمی چیف کا کہنا تھا کہ حکومت پاکستان اور صوبوں کے صحت عامہ کے محکموں کے اقدامات میں حصہ لینا فوج کی قومی ذمہ داری ہے۔

آرمی چیف نے مزید کہا کہ ہیلتھ کیئرورکرزانسدادپولیومہم میں اہم کردار ادا کررہے ہیں اور انسداد پولیو مہم کے ورکرز کورونا وبا میں بھی پیش پیش ہیں۔

آرمی چیف جنرل قمر جاوید باجوہ نے بل گیٹس کو بتایا ہے کہ کورونا وبا کے باوجود آئندہ چند ہفتوں میں انسداد پولیومہم شروع کی جائے گی۔

ڈی جی آئی ایس پی آر کے مطابق آرمی چیف اور بل گیٹس کے رابطے میں بات چیت کے دوران کورونا وبا کے خطرات پر بھی تبادلہ خیال کیا گیا جبکہ کوروناوباکےحوالےسےآگاہی کی فراہمی اورٹیکنالوجی کے استعمال پر بھی چیت کی گئی ہے۔