ایشیاء میں پیٹرول کی سب سے کم قیمت پاکستان میں ہے، عمر ایوب

شہباز احمد

27th Jun, 2020. 06:09 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

ایشیاء میں پیٹرول کی سب سے کم قیمت پاکستان میں ہے، عمر ایوب

وفاقی وزیر برائے توانائی عمر ایوب کا کہنا ہے کہ ایشیاءمیں پیٹرول کی سب سے کم قیمت پاکستان میں ہے۔

پیٹرول کی قیمتوں میں اضافہ کیے جانے کے حوالے سے پریس کانفرنس کرتے ہوئے وزیر توانائی عمر ایوب نے کہا کہ پٹرولیم مصنوعات میں اضافے پر حقائق پیش کروں گا۔

وفاقی وزیر توانائی نے کہا کہ یہ ملکی تاریخ کا سب سے بڑا اضافہ نہیں ہے، ن لیگ کے دور میں پیٹرول کی قیمت 75 روپے سے 108 روپے پر گئی تھی جبکہ اس دور میں بین الاقوامی مارکیٹ میں قیمتیں زیادہ نہیں تھیں۔

عمر ایوب نے کہا کہ پچھلے 46 دنوں میں عالمی مارکیٹ میں پیٹرول کی قیمتیں 112 فیصد بڑھی ہیں، لیکن ہم نے اس تناسب سے قیمتیں نہیں بڑھائیں۔ ایشیاء میں پیٹرول اور ڈیزل کی سب سے کم قیمتیں پاکستان میں ہیں۔

ان کا کہنا تھا کہ 18 مئی کو پی ایس او نے 21 ڈالر 7 سینٹ فی بیرل کے حساب سے تیل خریدا تھا۔28 مئی کو یہ قیمت 31 ڈالر سے زیادہ تھی جبکہ 20 جون کو یہ قیمت 44 ڈالر 54 سینٹ تھی۔

وزیر توانائی نے کہا کہ بھارت میں پیٹرول کی قیمت 180 روپے جبکہ چین میں 137 روپے ہے۔ وزیراعظم کا نظریہ عوام کا فائدہ ہے۔