وزیراعلیٰ سندھ سید مراد علی شاہ نے کہا ہے کہ ہمارے ملک کے دشمن بہت ہیں، وہ پوری دنیا میں پاکستان کو بدنام کرنے کی کوشش کریں گے۔

تفصیلات کے مطابق وزیراعلیٰ سندھ سید مراد علی شاہ نے تقریب سے خطاب کرتے ہوئے کہا کہ کل کے سانحہ میں شہید ہونے والے کو خراج عقیدت پیش کرتا ہوں، اُنہوں نے اپنی جان دے کر ملک کو ایک الیمہ سے بچا لیا جبکہ نام نہاد ان ٹرینڈ دہشت گردوں کو دس منٹ میں صفایا کیا میں ان کو سلام پیش کرتا ہوں۔

مراد علی شاہ نے کہا کہ اس وقت پوری دنیا کی معیشت میں ایک کرائسز آیا ہوا ہے، جو ہمارے ملک کے دشمن ہیں وہ یہ سنگل دینا چاہتے تھے کہ پاکستان بہت کمزور ہوگیا ہے لیکن ہمارے نوجوانوں نے اس کو ختم کردیا۔

وزیراعلیٰ سندھ نے یہ بھی کہا کہ سب انسپکٹر شاہد ، خدا یار خان، شہریار، محمد شاہد سیکورٹی گارڈ جاں بحق ہوئے، جو انسپکٹر شہید ہوئے ہیں ان کو ایک پرموشن دیتے ہیں، ایک کروڑ روپے شہید انسپکٹرز  کو دیں گے جبکہ سب انسپکٹر کے بیٹے کو جاب بھی دیں گے اور جو گارڈ شہید ہوئے ہیں ان کو پچاس پچاس لاکھ روپے دیں گے۔

اب وفاق کیلئے ٹیکس جمع نہیں کریں گے، وزیراعلیٰ سندھ

مراد علی شاہ کا کہنا تھا کہ جو زخمی ہوئے ہیں ان کو دس دس لاکھ روپے دیں گے اور جنہوں نے دہشتگردوں کا خاتمہ کیا ان کو پانچ پانچ لاکھ روپے دیں گے جبکہ جنہوں نے حصہ لیا ان کو ایک ایک لاکھ روپے دیں گے۔

اپنے بیان میں لاک ڈاؤن سے متعلق وزیراعلیٰ سندھ نے کہا کہ عید الضحی آرہی ہے کچھ بھی ہوسکتا ہے، وفاق کو کہ چکا ہوں لیکن ابھی تک جواب نہیں آیا اور اگر ایسی صورتحال رہی تو وائرس دنیا میں تو ختم ہوجائے گا لیکن پاکستان میں نہیں ہوگا۔

وزیراعلیٰ سندھ سید مراد علی شاہ کا مزید کہنا تھا کہ دہشت گرد مزید ٹارگٹ کرنے کی کوشش کریں گے لیکن جب تک ایسے نوجوان ہیں پاکستان کا کوئی بال بھی بیکھا نہیں کرسکتا ہے۔