چیئر پرسن ایف بی آر نے کہا ہے کہ تاریخ میں پہلی بار ایسا بجٹ لایا گیا کہ کوئی ٹیکس نہیں لگا، اس بجٹ سے عوام کی زندگی میں بہتری آئے گی۔

انہوں نے بتایا کہ پاکستان کی جانب سے آئی ایم ایف کے ساتھ بھی پروگراموں کے متعلق مشاورت جاری ہے کیونکہ آئی ایم ایف کے ساتھ پروگرام میں رہتے ہوئے مالیاتی نظم وضبظ کے پابند ہیں۔

انہوں نے کہا کہ اس کنسٹرکشن کے شعبہ، سیمنٹ انڈسٹری کیلئے پیکج دیا گیا ہے۔

ان کا کہنا تھا کہ سولہ سو تئیس ٹیرف لائن پر ڈیوٹی میں کمی کی گئی اس طرح ڈیوٹیز میں کمی سے ایکسپورٹ انڈسٹری کے حالات بہتر ہوں گے اور آئندہ بجٹ میں کاروبا آسان بنانا اور ڈاکیومینٹینشن کیلئے اقدامات کیے گئے ہیں۔

چیئر پرسن ایف بی آر کا کہنا تھا کہ وزارت تجارت، خزانہ اور ٹریڈ باڈیز کی مشاورت سے فنانس بل تیار کیا گیا ہے۔

ممبر پالیسی ایف بی آر حامد عتیق سرور نے بتایا کہ آج پاکستان میں پندرہ سے سولہ کروڑ موبائل فونز استعمال کیے جا رہے ہیں لیکن اب درآمدی موبائل فونز میں کمی کیلئے لوکل سطح پر موبائل مینوفیکچرنگ ہو گی اور موبائل مینوفیکچرنگ میں ٹیکسز پر چھوٹ دی جائے گی۔

یہ کورونا بجٹ ہے، ڈاکٹر شہباز گل

انہوں نے خدشہ ظاہر کیا کہ کورونا وائرس کے باعث موجودہ صورتحال برقرار رہی تو ٹیکس ہدف حاصل کرنا مشکل ہو گا لیکن اگر حالات بہتر ہوئے تو ہی بجٹ کا ہدف حاصل ہو سکے گا اور موجودہ صورتحال میں ٹیکس ہدف حاصل کرنے کیلئے پھر نئے اقدامات کا سوچا جا سکتا ہے۔

حامد عتیق سومرو کا کہنا تھا کہ آئندہ بجٹ میں مجموعی طور پر 20 ارب روپے کا ریلیف دیا گیا اور سیمنٹ سیکٹر کو ریلیف دینے سے 13 ارب روپے کا کم ٹیکس حاصل ہو گا جبکہ اِنکم ٹیکس پر ریلیف دینے سے 7 ارب کا ٹیکس کم اکٹھا ہو گا۔

حامد عتیق سرور کا کہنا تھا کہ شادی ہالز اور فنکشنز پہ عائد ٹیکس ختم کردیا گیا ہے جبکہ کوکنگ آئل سمیت کیبل آپریٹر پر بھی عائد ٹیکس ختم کردیا جاچکا ہے۔

انہوں نے کہا کہ اب سے منڈیوں اور کمیشن ایجنٹس پر عائد ٹیکس وصول نہیں کیا جائے گا لیکن پراپرٹی کی آمدن پر گراس نیٹ ٹیکس عائد ہو گا، کپڑوں اور جوتوں کے سٹورز کو سیلز ٹیکس 14 فیصد سے کم کرکے 12 فیصد کردیا گیا جس کے بعد لوگوں کو کپڑوں اور جوتوں کی خریداری میں ریلیف ہوگا۔

حامد عتیق سومرو کا کہنا تھا کہ انکم ٹیکس سائیڈ پر 10 اشیاء پر ود ہولڈنگ ٹیکس ختم کیا جاچکا ہے جبکہ فائلر کے لیے  بچوں کی اسکول فیس پر ایڈوانس انکم ٹیکس  ختم کردیا گیا ہے، کیبل پر چلنے والے اشتہارات پر ود ہولڈنگ ٹیکس، پنشن فنڈ پر عائد ود ہولڈنگ ٹیکس ختم ہوگیا ہے۔

انہوں نے بتایا کہ اب سے بیرون ملک سے ترسیلات بھجوانے والوں کیلئے ٹیکس سے استثنی ہو گا۔

کا کہنا تھا کہ  ترجمان ایف بی آر ڈاکٹر حامد عتیق ایف بی آر میں ای آڈٹ کا سسٹم لارہے ہیں، ای آڈٹ سسٹم سے آڈٹ پر اعتراضات ختم ہوسکیں گے۔