ترجمان دفتر خارجہ عائشہ فاروقی نے معروف میزبان, اداکار, سیاستدان, شاعر اور مصنف طارق عزیز کی وفات پر افسوس کا اظہار کیا ہے۔

تفصیلات کے مطابق دفتر خارجہ کی ترجمان عائشہ فاروقی نے معروف اداکار کی وفات پر افسوس کا اظہار کرتے ہویے کہا کہ طارق عزیز کی وفات سے پی ٹی وی کا ایک سنہرا دور اختتام پزیر ہو گیا میری نسل نیلام گھر دیکھتے ہویے جوان ہوئی۔

 اپنے پیغام میں دفتر خارجہ کی ترجمان عائشہ فاروقی نے مزید کہا کہ طارق عزیز کی وفات پر ان کے اہل خانہ سے گہری تعزیت کرتے ہیں ہم سب کو ایک بڑے نقصان کا احساس ہو رہا ہے اللہ تعالی بچھڑنے والی روح پر رحمتیں فرمایے,  آمین

واضح رہے کہ معروف ٹی وی میزبان طارق عزیز 84 سال کی عمر میں حرکت قلب بند ہونے کے باعث انتقال کرگئے ہیں۔

طارق عزیز ادیب، شاعر اور سابق رکن قومی اسمبلی بھی تھے، انہوں نےکئی فلموں میں اپنی اداکاری کے جوہر دکھائے۔

طارق عزیز نے ریڈیو پاکستان لاہور سے اپنی پیشہ ورانہ زندگی کا آغاز کیا جبکہ انھوں نے پاکستان ٹیلی وژن (پی ٹی وی) کے پروگرام نیلام گھر سے شہرت پائی، انہوں نے کئی سال تک اس پروگرام کی میزبانی کی۔۔

معروف ٹی وی کمپیئر طارق عزیز انتقال کر گئے

1964ء میں پاکستان ٹیلی وژن کا قیام عمل میں آیا تو طارق عزیز پی ٹی وی کے سب سے پہلے اینکر تھے۔

ٹی وی کے ساتھ ساتھ انھوں نے پاکستانی فلموں میں بھی کام کیا ،ان کی سب سے پہلی فلم انسانیت (1967 ) تھی ۔

طارق عزیزکی دیگر مشہور فلموں میں سالگرہ، قسم اس وقت کی، کٹاری، چراغ کہاں روشنی کہاں، ہار گیا انسان قابل ذکر ہیں۔