سندھ حکومت نے لاک ڈاون میں 30 جون تک توسیع کردی۔

تفصیلات کے مطابق سندھ حکومت نے لاک ڈاون میں توسیع کردی ، صوبے میں لاک ڈائون سے متعلق محمکہ داخلہ سندھ نے نوٹیفکیشن جاری کردیا۔

لاک ڈاون میں توسیع کے حوالے سے جاری کردہ  نوٹیفکیشن میں کہا گیا ہے کہ تعلیمی ادارے، ریسٹورنٹس، شادی ہال ، جم ، پارکس، سی ویو کو بھی بند رکھنے کا فیصلہ کیا ہے۔

نوٹیفکیشن میں یہ بھی کہا گیا ہے کہ بیوٹی پارلرز اور ہوٹل بھی بند رہینگے جبکہ ریسٹورنٹ سے ہوم ڈلیوری کی اجازت ہوگی ۔

وٹیفکیشن میں مزید کہا گیا ہے صوبے میں کاروباری سرگرمیوں کے لئے نئے اوقات کار  مقرر کئے گئے ہیں جس کے تحت صبح 6بجے سے شام 7بجے تک کاروباری سرگر میوں کی اجازت ہوگی ۔

محکمہ داخلہ کے حکم نامے میں کہا گیا ہے کہ صوبائی حکومت ،ضلعی انتظامیہ کسی بھی وقت کسی بھی علاقے میں سرگرمیوں کو مکمل محدود کرسکے گی اورکورونا کیسز میں اضافے پر ہاٹ اسپاٹ ایریاز کو سیل کیاجاسکے گا۔

02020601 – order ext. lockdown

محکمہ داخلہ نے نوٹیفکیشن میں پبلک ٹرانسپورٹ سروس کی بحالی کا اعلان بھی کیا ہے، پبلک ٹرانسپورٹ سروس کے آغاز سے قبل ٹرانسپورٹرز ایس اوپیز پر عمل کے لئے محکمہ ٹرانسپورٹ کے ساتھ اجلاس کرینگے۔

نوٹیفکیشن میں محکمہ داخلہ سندھ نے شہریوں سے کہا ہے کہ گھروں سے غیر ضروری طوپر باہر نکلنے سے گریز کیاجائے اور پبلک ٹرانسپورٹ میں سفر کے دوران سماجی فاصلوں کو برقرار رکھنا ہوگا۔

واضح رہے اس سے قبل وزیراعظم عمران خان کی زیرصدارت لاک ڈاؤن سے متعلق فیصلوں کے لیے قومی رابطہ کمیٹی کا اجلاس وزیراعظم ہاؤس  میں ہوا۔

قومی رابطہ کمیٹی کے اجلاس کے بعد قوم سے خطاب کرتے ہوئے وزیر اعظم عمران خان نے ملک میں ہفتہ اور اتوار کو مکمل لاک ڈاؤن کا اعلان کیا۔

وزیر اعظم نے کہا تھا کہ ابتداء میں 26 کیسز پر ہم نے لاک ڈاؤن کیا تھا۔  لاک ڈاؤن کا مقصد احتیاط اور علاج ہے۔مختلف ممالک میں لاک ڈاؤن کے مختلف اثرات موصول ہورہے ہیں۔

ہفتہ اور اتوار کو مکمل لاک ڈاؤن رہے گا، وزیر اعظم

عمران خان نے کہا تھا کہ پاکستان میں زیادہ تر لوگوں کا تعلق غریب طبقے سے ہے  تاہم 18 ویں ترمیم کی وجہ سے لاک ڈاؤن کا فیصلہ صوبوں نے خود کیا۔18 ویں ترمیم کے بعد صوبے بااختیار ہیں۔

وزیراعظم عمران خان نے مزید کہا تھا کہ امیرملکوں نےبھی لاک ڈاؤن کھولنے کا فیصلہ کیا ۔میں عوامی اجتماعات روک دیتا مگرکاروبار اورتعمیراتی شعبےکوکبھی نہیں روکتا۔بدقسمتی سےجیسا لاک ڈاون ہوا،اس کی وجہ سےنچلےطبقےکوبڑی تکلیف ہوئی۔