حکومت مافیا کے ہاتھوں یرغمال ہے، احسن اقبال

افضل جاوید

27th Jun, 2020. 04:26 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

حکومت مافیا کے ہاتھوں یرغمال ہے، احسن اقبال

سابق وزیر داخلہ و رہنما مسلم لیگ ن احسن اقبال کا کہنا ہے کہ حکومت مافیا کے ہاتھوں یرغمال بنی ہوئی ہے۔

تفصیلات کے مطابق مسلم لیگ ن کے رہنما احسن اقبال نے پیٹرولیم مصنوعات میں اضافے پر اپنے بیان میں کہا ہے کہ پیٹرول کی قیمتوں میں ایک بار میں اتنا اضافہ ملکی تاریخ میں کبھی نہیں دیکھا۔

سابق وزیر داخلہ نے کہا کہ پیٹرول کی قیمت میں 34 فیصد اضافے سے مہنگائی کا طوفان آئے گا۔وہ مافیا جنہوں نے تیل کا اسٹاک کیا تھا حکومت نے اس مافیا کو ایک رات میں جیک پاٹ دے دیا۔ حکومت اس مافیا کے ہاتھوں یرغمال ہے۔

احسن اقبال نے کہا کہ عمران خان کا کہنا ہے کہ وہ پارلیمنٹ کو طاقتور دیکھنا چاہتے ہیں لیکن دوسری طرف چور دروازے سے عوام کی کمر میں چھرا گھونپا ہے۔ چور ہتکھنڈے سے قومی خزانہ بھرنے کی کوشش کی گئی ہے۔

انہوں نے کہا کہ عمران خان کو اس ملک نے عزت دی ہے۔عمران خان اس ملک پر رحم کرو اور اگر نہیں چلتا تو عزت کے ساتھ ریٹائرڈ ہرٹ ہو جاؤ۔