وزیرخارجہ مخدوم محمودقریشی نے کہا ہے کہ اوورسيزپاکستانيوں نے ہر مشکل وقت ميں اپنے بھائيوں کی مدد کی۔

تفصیلات کے مطابق وزیرخارجہ مخدوم محمودقریشی نے بيرون ملک مقیم پاکستانیوں کی جلد وطن واپسی کے لیے اب تک کی جانیوالی کاوشوں کے حوالے سے اہم بیان میں کہا کہ مختلف ممالک میں وطن واپسی کے منتظر ايک لاکھ سے زائد پاکستانيوں کو اب تک واپس لايا جاچکا ہے۔

وزیرخارجہ مخدوم محمودقریشی نے مزید کہا کہ اوورسيزپاکستانيوں نے ہر مشکل وقت ميں اپنے بھائيوں کی مدد کی اس لئے کوشش کررہے ہيں کہ لوگوں کي نوکرياں ختم نہ ہوں جبکہ جولوگ باقی رہ گئے ہيں ،ان کی جلد واپسی کيلئے بھرپور کوششيں کررہے ہيں

واضح رہے اس سے قبل اسپیکر قومی اسمبلی اسد قیصر کی زیر صدارت بیرون ملک وطن واپسی کے منتظر پاکستانیوں کی جلد واپسی کے حوالے سے پارلیمان میں اہم اجلاس منعقد ہوا جس میں وزیر خارجہ اور وفاقی وزیر برائے سمندر پار پاکستانی نے بھی شرکت کی تھی۔

بیرون ملک پاکستانیوں کو وطن واپس لانے کیلئے اقدامات اٹھا رہے ہیں ، وزیرخارجہ

 اس موقع پر وزیر خارجہ نے شرکاء اجلاس کو وزارت خارجہ اور بیرون ملک پاکستانی سفارتخانوں کی بہترین کارکردگی اور اب تک وطن واپس لائے گئے پاکستانیوں کی تفصیلات سے آگاہ کیا جبکہ شرکاء اجلاس کو امریکہ، برطانیہ، سعودی عرب اور یو اے ای میں پاکستانی کمیونٹی کے ساتھ ویڈیو لنک کے ذریعے ہونیوالے روابط کی تفصیلات سے بھی آگاہ کیا تھا۔

وزیرخارجہ شاہ محمود قریشی نے کہا تھا کہ بیرون ملک، واپسی کے منتظر پاکستانیوں کو جلد وطن واپس لانے کے لئے تمام ممکنہ اقدامات اٹھا رہے ہیں ۔