آرمی چیف جنرل قمرجاوید باجوہ نے کہا ہے کہ پاکستان آرمی ملک کے دفاع اور سیکیورٹی کے لیے قومی حمایت کے ساتھ اپنا فرض ادا کرتی رہے گی۔

پاک فوج کےشعبہ تعلقات عامہ (آئی ایس پی آر) کے مطابق آرمی چیف جنرل قمرجاوید باجوہ نے نیشنل ڈیفنس یونیورسٹی اسلام آباد کا دورہ کیا جہاں یونیورسٹی پہنچنے پر صدر لیفٹیننٹ جنرل محمد سعید نے آرمی چیف کا استقبال کیا۔

#COAS visited National Defence University (NDU) Islamabad today & addressed participants of the National Security & War Course. COAS shared his thoughts on security environment of the region and his vision of enduring peace in Pakistan. Highlighting internal and external… (1/3) pic.twitter.com/IkO0axiTMN

— DG ISPR (@OfficialDGISPR) June 25, 2020

ترجمان آئی ایس پی آر  کا کہنا ہے کہ آرمی چیف نے خطہ کی سیکیورٹی کی صورتحال اور پاکستان میں دیرپا امن کے حوالہ سے بات کی جبکہ قومی سلامتی کو درپیش اندرونی و بیرونی چیلنجز پر بھی اظہار خیال کیا۔

ترجمان آئی ایس پی آر  کا یہ بھی کہنا ہے کہ نیشنل ڈیفنس یونیورسٹی اسلام آباد کے دورے کے دوران آرمی چیف جنرل قمرجاوید باجوہ نے میں نیشنل سیکیورٹی اور وار کورس کے شرکا سے خطاب کیا۔

آرمی چیف سے چینی فوج کی میڈیکل ٹیم کی ملاقات

اس موقع پر آرمی چیف نے کہا کہ تمام درپیش چیلنجز جامع قومی حکمت عملی کا تقاضہ کرتے ہیں اور ان چیلنجز سے نمٹنے کے لیے تمام ریاستی اداروں کا مضبوط ہونا ضروری ہے۔

آرمی چیف جنرل قمرجاوید باجوہ نے مزید کہا کہ ملک میں دیر پااقتصادی اور سماجی ترقی محفوظ ماحول سے جڑی ہے اور ملک میں دیرپا محفوظ ماحول دینے کے لیے پاک فوج ہر ممکن کوشش کرتی رہے گی۔