مسافروں کیلئے خوشخبری، پی آئی اے کے بعد ایئربلیو نے بھی کرایہ میں کمی کر دی۔

تفصیلات کے مطابق ترجمان ایئربلیو نے اپنے بیان میں کہا کہ ایئربلیو نے کرایہ میں کمی کا اعلان کردیا جس کے تحت کراچی اسلام آباد کا یک طرفہ کرایہ دس ہزار پانچ سو پچاس روپے مقرر کیا گیا ہے۔

ترجمان ایئربلیوکا کہنا ہے کہ کراچی اسلام آباد کا سامان بغیر دو طرفہ کرایہ پندرہ ہزار آٹھ سو اکیانوے روپے مقرر کیا گیا ہے جبکہ دو طرفہ کرایہ سامان سمیت اٹھارہ ہزار چار سو بائیس روپے مقرر کیا ہے۔

ترجمان ایئربلیو کا مزیس کہنا ہے کہ کراچی لاہور روٹ پر کرایہ کراچی اسلام آباد کی طرز پر چارج ہو گا۔

اندرون ملک سفر کرنے والے مسافروں کے لئے اچھی خبر

 یاد رہے گزشتہ روز پی آئی اے نے اپنے اندرون ملک جانے والی تمام پروازوں کے کرائے میں کمی کا اعلان کردیا۔

ترجمان پی آئی اے نے اپنے ایک بیان میں کہا تھا کہ پی آئی اے نے کراچی، لاہور، اسلام آباد اور دیگر شہروں کے لئے کرائے 12ہزار روپے مقرر کردیے اور اس میں ٹیکس بھی شامل ہے۔

ترجمان پی آئی اے نے کہا تھا کہ اندرون ملک جانے والی پروازوں پر یکطرفہ کرایہ 12ہزار روپے ہوگا جبکہ کرایوں میں کمی کا اطلاق آج سے ہی ہوگا۔

ترجمان پی آئی اے نے یہ بھی کہا تھا کہ مسافروں کی سہولت کے لئے یہ اقدام اٹھایا گیا ہے اور اس حوالے سے تمام بکنگ آفسز میں احکامات جاری کردیے گئے ہیں۔