سی ای او پی آئی اے ایرمارشل ارشد ملک نے کہا ہے کہ ہماری ترجیح ایئر لائن کے ملازمین کا تحفظ اور بقا ہے۔

تفصیلات کے مطابق سی ای او پی آئی اے ایرمارشل ارشد ملک نے پالپا کے جنرل سیکریٹری کو خط میں لکھا کہ کورونا کے باعث عالمی سطح پر ایئر لائن انڈسٹری مشکلات کا شکار ہے ، ان حالات میں ، ایئر لائن کی بقا کے لیے تنخواہوں میں کمی جیسے فیصلہ کرنا پڑے۔

سی ای او پی آئی اے نے کہا ہے کہ کورونا کے باعث  پی آئی اے کا  فضائی آپریشم صرف 10 فیصد رہ گیا ہے، دنیا کی ایئر لائنز دیوالیہ ہونے ہورہی ہیں اور ایئر لائنز اپنے مالی معاملات کو پورا کرنے کے لیے ملازمین کو فارغ بھی کر رہی ہیں۔

ارشد ملک نے یہ بھی کہا ہے کہ پی آئی اے کے پائلٹ ایئر لائن کا قیمتی ترین اثاثہ ہیں اور اس مشکل گھڑی میں پوری پی آئی اے فیملی کو اکٹھا کرنا ذاتی طور پر اسے ایک فرض سمجھتا ہوں۔

سی ای او پی آئی اے کا کہنا تھا کہ کورونا کے باعث ایئر لائن کے مالی مشکلات کو مدنظر رکھ کر نئے اقدامات کئے ہیں جبکہ کورونا کے دوران پائلٹس اپنی جان کی پرواہ کیے بغیر اہم قومی فریضہ ادا کررہے ہیں، یہ قابل ستائش ہے۔

تنخواہوں میں کٹوتی غیرمنصفانہ ہے، پالپا

ارشد ملک کا یہ بھی کہنا تھا کہ پی آئی اے کا مشن فیملی ، دوستوں اور پیاروں کو محفوظ طریقے سے لانا ہے ، پی آئی اے کے ملازمین کو ملازمت فارغ نہیں کیا جائے گا لیکن آمدنی میں کمی کے باعث تنخواہوں میں کمی کے اقدامات اٹھائے گئے ہیں۔

سی ای او پی آئی اے ایرمارشل ارشد ملک کا مزید کہنا تھا کہ میں اس بڑے بحران سے نمٹنے میں سب سے زیادہ ذمہ دار افراد ہونے کے ناطے آپ کی سمجھداری پر یقین رکھتا ہوں اور پی ائی اے کورونا وبا کے خاتمے کے بعد تنخواہوں میں کمی کا فیصلہ واپس لے لیا جائے گا۔ط