امریکی سفارتحانے کی جانب سے پاکستان اسٹاک ایکسچینج پر حملے کی شدید طرح سے مذمت کی گئی ہے۔

تفصیلات کے مطابق سماجی رابطے کی ویب سائٹ، ٹوئٹر پر امریکی سفارتخانے کی جانب سے ایک پیغام میں پاکستان اسٹاک ایکسچینج پر آج ہونے والے دہشتگردی کے حملے کی مذمت کی گئی ہے۔

The United States Mission to Pakistan condemns today’s cowardly attack on the #KarachiStockExchange. Our thoughts and prayers are with the victims of the attack. We stand with Pakistan in fighting terrorism and in ensuring the perpetrators face the full measure of justice. pic.twitter.com/Ums1uBA7gM

— U.S. Embassy Islamabad (@usembislamabad) June 29, 2020

ٹوئٹ میں امریکی سفارتخانے نے پاکستان سے اظہار ہمدردی کرتے ہوئے کہا ہے کہ ہماری ہمدردیاں اور دعائیں اسٹاک ایکسچینج حملے کے متاثرین کے ساتھ ہیں۔

پاکستان اسٹاک ایکسچینج پر دہشتگردوں کا حملہ ناکام ، 4 دہشتگرد ہلاک

وزیراعظم کی کراچی اسٹاک ایکسچینج پر حملے کی مذمت

صدر مملکت کی اسٹاک ایکسچینج پر حملے کی مذمت

وزیر اعلی سندھ کی پاکستان اسٹاک ایکسچینج پر حملے کی مذمت

آٹھ منٹ میں دہشت گردوں کا خاتمہ کردیا گیا، ڈی جی رینجرز

امریکی سفارتخانے نے مزید کہا ہے کہ امریکہ دہشت گردی کے خلاف جنگ میں پاکستان کے ساتھ ہمیشہ کھڑا ہے۔

واضح رہے کہ پاکستان اسٹاک ایکسچینج پر دہشت گردوں کے نتیجے میں پولیس اہلکار سمیت  7 افراد جاں بحق ہوگئے جبکہ  فورسز کی جوابی کارروائی میں چاروں دہشتگرد مارے گئے۔

پولیس کے مطابق پیر کی صبح 10 بجے کے قریب 4 دہشتگردوں نے پہلے اسٹاک ایکسچینج کے گیٹ پر دستی بم حملہ کیا اور پھر اندھا دھند فائرنگ کردی۔

واقعے کی اطلاع ملتے ہی پولیس اور رینجرز کی بھاری نفری موقع پر پہنچ گئی اور آپریشن شروع کردیا تھا۔

بعدازاں کراچی پولیس چیف غلام نبی میمن کے ہمراہ  پاکستان اسٹاک ایکسچینج پر حملے کے حوالے سے پریس بریفنگ میں  ڈی جی رینجرز سندھ نے بتایا کہ  صبح 10 بجکر 2 منٹ پر گاڑی میں سوار دہشت گرد پہنچے تھے جبکہ  واقعے کا اختتام 10 بجکر 10 منٹ پر ہوگیا تھا۔

میجر جنرل عمر بخاری نے کہا کہ  آٹھ منٹ میں دہشت گردوں کا مقابلہ کرکے انہیں مار دیا گیا۔ دہشت گردوں کو احداف حاصل نہیں کرنے دیے گئے۔