صدر مملکت کی اسٹاک ایکسچینج پر حملے کی مذمت

انور عباس

29th Jun, 2020. 02:07 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

صدر مملکت کی اسٹاک ایکسچینج پر حملے کی مذمت

صدر مملکت ڈاکٹر عارف علوی نے کراچی سٹاک ایکسچینج پر دہشت گردوں کے حملے کی شدید الفاظ میں مذمت کی ہے۔

تفصیلات کے مطابق صدر مملکت ڈاکٹر عارف علوی نے کراچی سٹاک ایکسچینج پر دہشت گردوں کے حملے کی شدید الفاظ میں مذمت کرتے ہوئے کہا کہ دہشت گردی پر قابو اور اسے جڑ سے اکھاڑنے میں سکیورٹی فورسز کا کردار قابل تحسین ہے۔

صدر مملکت نے اپنی جان پر کھیل کر دہشت گردوں کا حملہ ناکام بنانے والے سکیورٹی گارڈز کو خراج عقیدت پیش کیا۔

عارف علوی نے کہا کہ دہشت گرد اپنے مذموم مقاصد میں کامیاب نہیں ہو سکتے۔ پاکستان دہشت گردی کو جڑ سے اکھاڑ پھینکنے کے لیے پر عزم ہے۔

واضح رہے کہ آج صبح پاکستان اسٹاک ایکسچینج پر دہشت گردوں کے حملے کے نتیجے میں پولیس اہلکار سمیت 7 افراد شہید ہوگئے جبکہ فورسز کی جوابی کارروائی میں چاروں دہشتگرد مارے گئے۔

پولیس کے مطابق صبح 10 بجے کے قریب 4 دہشتگردوں نے اسٹاک ایکسچینج کے گیٹ پر پہلے دستی بم حملہ کیا اور پھر اندھا دھند فائرنگ شروع کردی تھی ۔