بھارت کی غاصبانہ خواہشات خطے کی صورتحال کو غیر مستحکم کر رہی ہیں، جنرل ندیم رضا

شعیب برنی

30th Jun, 2020. 03:28 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

بھارت کی غاصبانہ خواہشات خطے کی صورتحال کو غیر مستحکم کر رہی ہیں، جنرل ندیم رضا

چیئرمین جوائنٹ چیفس آف اسٹاف کمیٹی جنرل ندیم رضا کا کہنا ہے کہ بھارت کی غاصبانہ خواہشات خطے کی صورتحال کو غیر مستحکم کر رہی ہیں۔

ترجمان پاک بحریہ کے مطابق چیئرمین جوائنٹ چیفس آف اسٹاف کمیٹی جنرل ندیم رضا نے پاکستان نیوی وار کالج لاہور کا دورہ کیا۔

کمانڈنٹ وار کالج ریئر ایڈمرل محمد زبیر شفیق نے چیئرمین جوائنٹ چیفس آف اسٹاف کمیٹی کا استقبال کیا۔

چیئرمین جوائنٹ چیفس آف اسٹاف کمیٹی نے 49ویں نیول اسٹاف کورس کے شرکاء سے خطاب کرتے ہوئے 21ویں صدی میں بدلتی ہوئی جنگی صورتحال اور ہائبرڈ وارفیئر کے چیلنجز پر روشنی ڈالی۔

جنرل ندیم رضا نے کہا کہ بھارت کی غاصبانہ خواہشات خطے کی صورتحال کو غیر مستحکم کر رہی ہیں۔ پیچیدہ سیکیورٹی صورتحال سے نمٹنے کے لیے جامع اور مشترکہ حکمت عملی کی ضرورت ہے۔

انہوں نے مزید کہا کہ پاک بحریہ کا قابل فخر ماضی بہادری اور قربانیوں کا غماز ہے۔ پاک بحریہ نے ہمیشہ عوامی خواہشات کے مطابق ملکی بحری سرحدوں کی حفاظت کی ہے۔

چیئرمین جوائنٹ چیفس آف اسٹاف کمیٹی نے پی این وار کالج میں یادگار شہداء پر پھولوں کی چادر بھی چڑھائی۔